Lifestyle Portal
  •   ४ जेष्ठ २०७९, बुधबार

भारतको सहयोगमा विराटनगरमा निर्माण सम्पन्न ‘आरोहण–गुरुकुल नाट्यशाला’को उद्घाटन

९ चैत्र २०७८, बुधबार १४:३९

मोरङ जिल्ला विराटनगर महानगरपालिकाका नगर प्रमुख भीम पराजुली र काठमाडौंस्थित भारतीय राजदूतावासका द्वितीय सचिव प्रशान्तकुमार सोनाले आज शिक्षा–संस्कृति क्षेत्रमा भारत सरकारको आर्थिक सहयोगमा निर्माण गरिएको आरोहण– गुरुकुल नाट्यशाला भवनको संयुक्त रुपमा उद्घाटन गर्नुभयो । कार्यक्रममा स्थानीय सरकारका प्रतिनिधिहरुको समेत उपस्थिति थियो ।

नेरु. ३ करोड ५१ लाखको लागतमा निर्माण गरिएको यो परियोजना भारत स्वतन्त्र भएको ७५ वर्षको उत्सव मनाउन भारत सरकारले अघि सारेको “[email protected] आजादीका अमृत महोत्सव” अन्तर्गत यस वर्ष नेपालमा उद्घाटन गरिने ७५ वटा परियोजनाहरु मध्येको एक हो । नेपालमा रहेको यो नाट्य समूहले नेपाली रंगमञ्चको प्रवद्र्धनमा योगदान पुर्याउँदै आएको छ र नेशनल स्कुल अफ ड्रामा लगायत भारतका विभिन्न नाट्य समूहसँग सुमधुर सम्बन्ध कायम राखेको छ । नवनिर्मित संरचनाले आरोहण–गुरुकुल नाट्यशाला परिसरमा राम्रो वातावरण सिर्जना गर्नुका साथै मोरङ जिल्लामा नवीन तथा विशेष कार्य गर्न र शिक्षा–संस्कृति क्षेत्रको विकास गर्न मद्दत गर्नेछ ।

सन् २००३ यता भारतले नेपालमा ५२३ भन्दा बढी उच्च प्रभाव सामुदायिक विकास परियोजनाहरु अघि बढाइसकेकोमा ४६७ वटा सम्पन्न भइसकेका छन् । ती मध्ये मोरङ जिल्लाका १५ वटा गरी प्रदेश १ मा ७८ वटा परियोजनाहरु रहेका छन् । यसका अतिरिक्त भारत सरकारले विभिन्न स्वास्थ्य चौकी तथा विद्यालयलाई २० वटा एम्बुलेन्स तथा ८ वटा स्कुल बस उपहार स्वरुप प्रदान गरिसकेको छ ।

नजिकको छिमेकी भएको नाताले भारत र नेपालबीच बहुपक्षीय एवम् बहुक्षेत्रीय सहकार्य रहेको छ । यस परियोजनाको कार्यान्वयनले सामाजिक–आर्थिक विकासमा नेपाल सरकारसँग सहकार्य गर्दै सदैव सहयोग गर्ने तथा नेपालका विशेष गरी प्राथमिक क्षेत्रका भौतिक पूर्वाधारलाई अभिवृद्घि गर्दै जाने भारत सरकारको प्रतिबद्घतालाई प्रतिबिम्बित गर्दछ ।

प्रतिक्रिया दिनुहोस !
सम्बन्धित खबरहरु

मैले २०४७ सालपछि भोट नै हालेकी छैन । किनभने हाम्रो नेपालमा बहुदल भित्रिएपछि मुलुकमा थप व्यक्तिवाद मात्रै मौलाएको देखेपछि मलाई

काठमाण्डौ (मंगलबार ११ः२० बजे) । देशको राजधानी काठमाण्डौ महानगरपालिकाको मेयर पदका लागि स्वतन्त्रतर्फबाट उम्मेदवारी दिएका बालेन शाहले जारी मतगणनाको ताजा

काठमाडौं: भारतीय प्रधानमन्त्री नरेंद्र मोदी (Indian PM Modi) बैशाख पुर्णिमाका दिन भगवान गौतम बुद्धको जन्मभूमी लुम्बिनीको संक्षिप्त यात्राका लागि नेपाल

A day before visit to Lumbini (the birth place of gautam buddha), Indin Prime Minister Narendra Modi on Sunday said