काठमाडौँ । चर्चित गायक प्रमोद खरेलको आवाजमा नयाँ गीत ‘चुपचाप मन पराए’ रिलिज भएको छ।प्रमोद भट्टराई ‘प्रतीक’को शब्द रचना रहेको गीतमा कृति न्यौपानेको सङ्गीत छ । ओम प्रकाश अवस्थीको निर्देशन र कथा रहेको गीतको भिडियोलाई मेघराज मघरातीले खिचेका हुन् ।

भिडियोमा रोहित बस्नेत र एन्जिला बानियाँ मुख्य मोडेलका रूपमा देखा परेका छन्। रोहित र एन्जिला छिटो समयमै आफ्नो प्रतिभाले दर्शकको माया बटुल्न सफल भएका छन्।

भर्खर १५ वर्ष पुग्न लागेकी मोडेल एन्जिला बानियाँले अहिलेसम्म धेरै गीतमा अभिनय गरिसकेकी छन्। उनको प्राकृतिक सुन्दरता र मनै लोभ्याउने अभिनयले छोटो समयमै र सानो उमेर मै धेरै दर्शकको मन मुटुमा बस्न सफल छिन्। यस्तै राम्रो अभिनयका साथ एन्जिला अघि बढ्ने हुन भने नेपाली म्युजिक इन्डस्ट्रीमा उनलाई एक आशालाग्दो पात्रका रूपमा हेरिएको छ।

नेपाली गीतसङ्गीत छोडेर युवाहरूको ध्यान विदेशी गीतसङ्गीत मा गइरहँदा एन्जिला जस्ता युवाको नेपाली गीतसङ्गीत र अभिनयमा प्रवेशले नेपाली अभिनय क्षेत्रको भविष्य पनि उज्ज्वल देखिन्छ।