विमानस्थल ओर्लिएलगत्तै गुगली ब्वाए सन्दीप लामिछाने पक्राउ


काठमाडौं । नाबालिकालाई बलात्कार गरेको आरोप लागेका नेपाली राष्ट्रिय क्रिकेट टोलीका पूर्व कफ्तान क्रिकेटर सन्दीप लामिछाने कतार एयरवेजको क्यूआर-६४८ नम्बरको विमानमार्फत् लामिछाने नेपाल आइपुगेका छन् । बिहीवार बिहान साढे १० बजे त्रिभुवन अन्तर्राष्ट्रिय विमानस्थल आइपुगेका थिए ।

सन्दीप विमानस्थलमा ओर्लिएलगत्तै प्रहरीले पक्राउ गरेको छ । उनी नेपाल आउने जानकारी पाएपछि प्रहरीको भ्यानसहित पक्राउ गर्न प्रहरी अधिकारीहरु विमानस्थलमा तैनाथ थिए ।

प्रहरीका अनुसार जुन स्थानमा सन्दिपमाथी उजुरी परेको हो, सोही स्थानबाट कारबाही प्रक्रिया सुरु गरिनेछ । पक्राउ भए लगत्तै उनीमाथि प्रहरी कारबाहीको प्रक्रिया समेत सुरु भएको छ ।

सन्दीपले आफ्नो आधिकारिक फेसबुकमार्फत आज १० बजे कतार एअरवेजको विमानबाट नेपाल आइपुगेर प्रहरीसमक्ष आत्मसमर्पण गर्ने उल्लेख गरेका थिए ।

सोही अनुसार विमानस्थलमा प्रहरीको टोली पुगेका छन् । आफूलाई निर्दोष प्रमाणित गर्न कानूनी लडाईं लड्ने उनले बताएका छन् । उनी विदेशमै रहेको बेला गत भदौ २१ गते एक बालिकाले बलात्कारको जाहेरी दिएकी थिइन् ।


Loading comments...