काठमाडौं । नेपालका सांस्कृतिक गहना तथा संस्कृतिविद् शताब्दी पुरुष डा. सत्यमोहन जोशीको ग्वार्कोस्थित किस्ट मेडिकल कलेजमा निधन भएको छ । जोशीको आज (आइतबार) बिहान ७ बजेर ९ मिनेटमा १०३ वर्षको उमेरमा निधन भएको हो ।

स्वास्थ्यमा समस्या देखिएपछि जोशीको विगत एक महिनादेखि ग्वार्कोस्थित किस्ट मेडिकल कलेजमा सघन कक्ष मा राखेर उपचार भइरहेको थियो ।

नइ प्रकाशन तथा त्रिमूर्ति निकेतनका सदस्यसचिव जीवनीकार नरेन्द्रराजले आधिकारिक फेसबुकमार्फत् शताब्दी पुरुषको निधनलाई पुष्टि गर्दै लेख्नुहुन्छ, ‘हाम्रा अति श्रद्धेय शताब्दी पुरुष सत्यमाेहन जाेशीको आज बिहान ७ बजे र ९ मिनेटमा किस्ट मेडिकल कलेजमा १०३ वर्षको उमेरमा स्वर्गारोहण भयो ।

डा.जोशीको स्वर्गारोहणमा हामी अति दुखित बन्यौँ । डा.जोशीउपर हामी श्रद्धाञ्जली चढाउँदछौँ ।’