सरकारले अर्धवार्षिक समीक्षामार्फत बजेटको आकार १४ प्रतिशतले घटाउँदा विकास खर्च १७.५ प्रतिशतले कटौती गरेको छ भने राजस्व संकलनको लक्ष्य ११.२९ प्रतिशतले कम गर्ने भएको छ। बजेट ल्याउँदा सबैलाई खुशी बनाउँन ठूलो आकारको ल्याउने तर खर्च र स्रोत व्यवस्थापनको क्षमता नहुदा हरेक वर्ष बजेटको आकार घटाउने परिपाटी नै बसेको छ । यसले विकास निर्माणका काममा गतिरोध ल्याउनका साथै सरकारले लिएको नारा अनुसार देशले खोजेको आर्थिक विकास पुरा हुन सक्दैन ।

साथै अहिले उच्च व्याजदर, तरलता अभाव तथा मागमा गिरावट आउँदा कृषि, पर्यटन, निर्माणलगायतका उद्योग व्यवसाय धराशायी भएकाले राजस्व बढ्न सक्ने स्थिती पनि छैन । यदि सरकारले अहिले नै निर्मम पूर्वक समीक्षा गरी आगामी दिनमा गम्भिर भएर हाम्रा सम्भावनाका क्षेत्रलाई अघि नबढाउने हो भने देशले आर्थिक रुपमा फड्को मार्न नसक्ने निश्चित छ । साथै यस्ता विषयमा सबै सरोकारवालाहरु सचेत र संयमीत हुनुपर्ने जरुरी छ ।

हेमराज ढकाल
सभापति, स्वास्थ तथा सिप बिकास समिति, FNCCI