बरुन्चे हिमाल सरसफाईका लागि खटिएको नेपाली सेनाको टोली आज काठमाडौं फिर्ता

जेठ ६ गते

सफा हिमाल अभियान २०२३ अन्तर्गत बरुन्चे हिमाल सरसफाईका लागि खटिएको नेपाली सेनाको टोली आज काठमाडौं फिर्ता भएको छ ।

टोली बरुन्चेबाट फाप्लु हुँदै आज काठमाडौं आइपुगेको हो । टोलीलाई काठमाडौं विमानस्थलमा सहायक रथी सुन्दर पाण्डेले बधाई दिनुका साथै स्वागत समेत गरेका थिए ।

टोलीले १८५२० केजी फोहोर (३०५० केजी बायोडिग्रेडेबल र १५ हजार ४७० केजी ननबायोडिग्रेडेबल फोहोर) सङ्कलन गरेको छ जुन तोकिएको लक्ष्यभन्दा ८५२० केजी बढी छ । जसमध्ये बायोडिग्रेडेबल फोहोर स्थानीय सरकारलाई आजै हस्तान्तरण गरिएको छ ।

नेपाली सेनाको मुख्यालय परिसरमा ब्रिगेडियर जनरल श्री सुन्दर पाण्डेको उपस्थितिमा गैर-जैविक अपघटनशील फोहोर काठमाडौं ल्याएर क्रिएसन नामक फोहोर व्यवस्थापन कम्पनीलाई हस्तान्तरण गरियो ।

मेजर समीर बस्नेतको नेतृत्वमा बरुन्चे हिमालमा २७ सदस्य (९ नेपाली सेना सदस्य र १८ शेर्पा पर्वतारोही र भान्सा कर्मचारी) टोली गत चैतदेखि तैनाथ थियो ।