डढेको भाँडा सफा गर्ने घरेलु तरिकाहरु

तपाई हामी सबैको घरमा भाडाकुँडाहरु डढेको हुन्छन् । प्राय खाना पकाउदै गर्दा अधिक तातोले भाँडाहरु डढने गर्दछ । जलेको भाँडालाई सफा गर्न निकै कठिन हुन्छ साथै धेरै बल पनि लगाउनु पर्छ तरपनि राम्रोसँग सफा हुदैन । आउनुहोस, आज केही घरेलु उपायहरुको बारेमा चर्चा गरौ जसको प्रयोगले कम समयमै जलेको भाँडाहरु सफा गर्न सकिन्छ ।

१) बेकिङ्ग सोडा
जलेको भाँडामा एक चम्चा बेकिङ्ग सोडा र दुई चम्चा कागतीको रस र दुई कप तातो पानी राख्ने । त्यसपश्चात स्टीलको स्क्रबरले भाँडालाई घोट्नुहोस यस तरिकाले तपाईको भाँडा फेरी नयाँ जस्तै देखिन्छ ।

२) कागतिको रस
काचो कागतिलाई जलेको भाँडामा घोटेर तातो पानी राखी ब्रशले सफा गर्नु भयो भने जलेको भाँडा सफा हुन्छ ।

३) नुन
जलेको भाँडामा नुन र पानी राखेर करिब ५ मिनेटसम्म पानी उमाली भाँडालाई ब्रशले घोटेर धुदा पनि जलेको भाँडा सफा हुन्छ ।

४) गोलभेडाको रस
जलेको भाँडामा गोलभेडाको रस र पानी मिलाएर तताउनुहोस त्यसपछि उक्त भाँडालाई घोटेर सफा गर्नुहोस । यसो गर्नाले सजिलै जलेको भाँडा सफा हुन्छ ।