Lifestyle Portal
  •   १० आश्विन २०७८, आईतवार

बिहानीको मन्त्रहरु

२१ पुष २०७५, शनिबार ०७:००

हाम्रो दिमाग बास्तविक रुपमा बिजुली बत्तिको स्वीच जस्तो छ । जब बत्ति मधुरो या शुन्य हुन्छ तब हामीले केहि देख्दैनौं तर बत्ति बलेको बेलामा हामीले धेरै कुरा देख्न सक्दछौं । संभावना, उर्जा, सकारात्मकता, जागरण र अनुभूतिले हामीलाई सदैव खुशी अनि कटिबद्ध राख्दछ ।
हामीलाई आफ्नो लक्ष्यप्रति कटिबद्ध अनि अझ केन्द्रित बन्न केही बिश्वास अनि केहि तौरतरिकाहरुको जरुरत पर्दछ ।
जागृत श्वाँसप्रश्वास अनि ध्यानको हाम्रो दिमाग र खुशी र शान्तपनासंग ठूलै सम्बन्ध रहन्छ । मान्छेको प्राकृतिक भावात्मक उपस्थिती अनि मानविय संवेदना र स्नेहभावसंग मन्त्र, ध्यान अनि साधनाले धेरै निकट ल्याँउदछ ।
आज कुरा गरौं ५ वटा सामान्य धारणागत मन्त्रहरुको जसलाई बिहानै आत्मसाथ र मनन गरे हाम्रो दिन राम्रो र लक्ष्यमार्ग अझ निकट आँउदछ । ध्यानमा बस्दा लगातार मन्त्रको जाप र स्मरणले ध्यानलाई अझ प्रगाढ बनाउन र हामीलाई वर्तमानसंग थप नजिक ल्याउन सहयोग गर्दछ ।
हाम्रो वरिपरिको घटनाक्रम अनि परिस्थितीसंग हामीले गर्ने ब्यबहार हाम्रो अध्यात्मिक अवस्था र मानसिक स्वास्थको गहिराईले निर्धारण गर्दछ । ल आउनुहोस् आज बिहानै स्मरण र जाप गर्न जरुरी केहि धारणागत मन्त्रहरु स्मरण गरौं । यि मन्त्रहरु धारणा हुन् र यिनमा कुनै संस्कृतको श्लोक या ज्ञान भन्दा पनि आत्मसाथ अनि आफूलाई सम्मान गर्ने तथ्यहरु लुकेका छन् ।
१ , म यस लोकमा उपस्थित छु
अंग्रेजीमा आई एक्जीस्ट पनि भन्न सकियो । हामी अक्सर आफुलाई विश्वमा अति सानो र वास्ता नगरिएको तत्वका रुपमा लिने गर्दछौं र यो सरासर गलत हो । हामी विश्वमा छैनौं बरु एउटा विश्व नै हामीमा छ, हामी भित्र छ भन्ने कुरा आत्मसाथ गर्न जरुरी देखिन्छ ।
आफुले आफ्नो उपस्थितीलाई महत्व दिनका लागि यस लोकमा आफ्नो पहिचान र उपस्थितीलाई सबेरै हृदयङ्गम गर्ने सुुझाव दिइन्छ । आत्म जागरण र आत्मविश्वास बृद्धिका लागि यो मन्त्र अत्यन्त जरुरी छ । आफ्नो शरीरका हरेक तन्तुहरुको जागरण महसुस गर्न खोज्ने, आफुलाई संसारको एउटा महत्वपूर्ण अवस्थितीका रुपमा लिने अनि श्वाँस प्रश्वाँसमा ध्यानको केन्द्र मिलाएर राख्न सकिन्छ ।

२,  म शक्तिशाली छु
बिहानै आफुमा भएको शक्तिको जागरण र उपासना जरुरी देखिन्छ । यसरी आफ्नो शक्तिको जागरण महसुस गरिएमा दिनभरि आउने समस्याबाट जुध्न सहज हुने हुन्छ । अक्सर हामी आफु कमजोर भएको भनेर आफैंलाई विश्वास गराइरहेका हुन्छौं जुन गलत हो । हामी भित्र पनि त्यही शक्ति र उर्जा छ जुन अरु व्यक्तिहरुमा पनि छ । हाम्रो निरपेक्ष खुशी हामीमा भएको सकारात्मकता रोज्न सक्ने क्षमतामा नै निर्भर गर्दछ । तपाँई कुन हिसाबमा शक्तिशाली हुनुहन्छ भन्ने तथ्यहरु आत्मसाथ गर्नुहोस् । आफुले आफुलाई शक्तिशाली छु भनेंर बुझाउन जरुरी छ ।

३, म मा प्रेम छ
प्रेमभावले हामीमा भएको चक्र लाई उजागर गर्दछ, सक्रिय गराँउदछ । हरेक श्वास पछि आफुमा भएको जागरणलाई हृदयको बिचमा ल्याउने प्रयास गर्नुहोस् । यसरी श्वाँस लिँदा हृदयलाई हरियो रंगले भर्ने प्रयास गर्नुहोस् या परिकल्पना गर्नुहोस् र यसो गर्दा हृदयचक्र सक्रिय हुन्छ । यस धारणागत बिश्वासले आफूमा मायाको सञ्चार हुने र एक्लोपना कम हुने हुन्छ ।

४, ओमकार मन्त्र
यो एउटा ब्रह्माण्डीय शक्तिको प्रतिक मन्त्र हो । यस ब्रह्माण्डको जागरण र शक्तिको प्रतिनिधित्व गर्ने कुनै आवाज या मन्त्र छ भनें त्यो ओम नै हो भनी दर्शन अनि ग्रन्थहरुले बताँउदछ । पञ्चतत्वको प्रतिनिधित्व गर्ने आवाज नै ओम हो । आत्मिक चेतनाको प्रतिबिम्ब यस मन्त्रको आफ्नै फाइदा अनि असरहरु छन् । बिहान ओच्छ्यान बाट उठ्नु अगावै ओम मन्त्रको जाप गर्न सुझाव दिइन्छ । यसो गर्नाले दैनिकी राम्रो र उर्जावान हुने हुन्छ ।

४, म छु
अंग्रेजीमा आई एम भनेंर सम्बोधन गरिएको पाइन्छ । म छु अर्थात म आफ्नो जीवन र ध्यानको स्वामी स्वरुपमा छु, म आफुलाई परिवर्तन गर्न अनि आफ्नो नक्षत्र बढाउन सक्दछु भन्ने विश्वास जागृत गराउने धारणा हो । आफुमा निरपेक्ष विश्वास आजका दिनमा राजा र रैती सबैका लागि जरुरी पाइन्छ । माथि उल्लेख मन्त्रहरुलाई आफ्नो धारणा, विश्वाश अनि चाह अनुसार मिलाएर आफुलाई लक्ष्यप्रति बिहानै दृढ सकंल्पीत गराउनुहोस् ।
विश्व साच्चैको सुन्दर छ ।
लाइभमाण्डु
-सुयोग ढकाल

प्रतिक्रिया दिनुहोस !
Loading comments...
सम्बन्धित खबरहरु

काठमाण्डौ । काठमाण्डौ महानगरपालिकाभित्रका स्वास्थ्य मापदण्ड पूरा गरेका विद्यालयले १० असोजदेखि भौतिक रूपमा विद्यार्थीलाई उपस्थित गराएर पठनपाठन गर्ने सक्ने भएका

काठमाडौंः सरकारले विदेशी पर्यटकका लागि क्वारेन्टिनको व्यवस्था हटाएको छ। कोरोनाको विरुद्धको भ्याक्सिन लगाइसकेका पर्यटकका लागि सरकारले क्वारेन्टिन बस्नु पर्ने नियम

काठमाण्डौ । मुलुक बजेटविहीन हुने निश्चित भएको छ । सरकारले ल्याएको प्रतिस्थापन विधेयक संसदमा विचाराधीन रहेको र र अघिल्लो सरकारले

भूमिका तिमल्सिना/काठमाण्डौ । दशैं नजिकिँदै गर्दा खाद्य व्यवस्था तथा व्यापार कम्पनीले उपत्यकाका लागि खसीबोका तथा च्यांग्रा ल्याउने तयारी थालेको छ