पृथ्वी जयन्ती तथा राष्ट्रिय एकता दिवसमा सार्वजनिक बिदा माग
१९ पुष २०७५, बिहीबार १३:१६
नेपालको एकिकरण कर्ता पृथ्वीनारायण शाहको जन्मजयन्ती तथा राष्ट्रिय एकता दिवसका अवसरमा सार्वजनिक विदा दिन राष्ट्रिय प्रजातन्त्र पार्टीले सरकारसँग माग गरेको छ । बुधवार बसेको केन्द्रीय कार्यसम्पादन समितिको विस्तारित बैठकले पुस २७ गते राष्ट्रिय एकता दिवसलाई राष्ट्रिय पर्वको रुपमा मनाउन र सार्वजनिक बिदा दिन सरकारसंग माग गरेको हो।
गत साल भन्दा अघिका बर्षहरुमा पुस २७ गते पृथ्वी जयन्ती तथा राष्ट्रिय एकता दिवस भनि एक दिन सरकारी विदा दिने गरिन्थ्यो । यस बर्ष भने नेपाल सरकारले पृथ्वी जयन्ती तथा राष्ट्रिय एकता दिवसको दिनमा विदा नदिने भनि निर्णय गरेको थियो ।
