द भ्वाइस अफ नेपालको टिम विश्व भ्रमणमा निस्कदै
२० पुष २०७५, शुक्रबार १४:३४
विश्व विख्यात गायन रियालिटी शो द भ्वाइस अफ नेपालको पहिलो संस्करण निकै सफलताका साथ सम्पन्न भयो । कतारको दोहामा सम्पन्न ग्रान्ड फिनालेबाट पहिलो द भ्वाइस अफ नेपालको उपाधि टिम दिपका सिडी बिजय अधिकारीले चुम्न सफल भए । नेपालमा सर्वाधिक मन पराइएको उक्त कार्यक्रमका ७ जना ट्यालेन्टहरु विश्वको बिभिन्न देशहरुमा सांगितिक प्रस्तुतिको लागि जादै छन ।
पहिलो चरणमा युकेको ७ वटा सहरमा आफ्नो संगीतिक कार्यक्रम हुदै गरेको चारै जना ट्यालेन्टहरुले सोसल मिडिया मार्फत जानकारी गराएका छन्।
नेपाली संगीतको माया नेपालमा मात्र हैन युकेमा बस्ने नेपालीको मनमा पनि अत्यन्तै धेरै छ भन्ने कुरा आज भन्दा अगाडी युकेमा भएको कार्यक्रममा नेपालीहरुको उल्लेखनीय प्रस्तुतीको कारणले बुझ्न सकिन्छ । द भ्वाइस जस्तो रियालिटी शो बाट आएका आवाजहरुलाई त झन् माया नै धेरै नै हुने गरेको छ ।
फेब्रुअरी १६ तारिक देखि मार्च ९ तारिकसम्म हुने उक्त कार्यक्रममा धेरै भन्दा धेरै दर्शकहरु सहभागी हुने कुरा आयोजक टिमले जानकारी दिएको छ ।
