बाह्र वर्ष पछी बल्ल चिना जुराउदै शिला
२० पुष २०७५, शुक्रबार २०:२०
त्रिभुवन युनिभर्सिटीबाट संगीतमा मास्टर्स डिग्री गरेकी गायीका शिला बिस्ट (अली) कमै मात्रामा मिडियामा देखिन्छिन । इलाहावाद संगीत महाविद्यालय , भारतबाट ‘संगीत प्रभाकर’मा गोल्ड मेडलिस्ट, शिला भर्खरै मात्र “जुरेन भने चिना, के गर्छौ मायालु ” बोलको गीत युट्युब मार्फत सार्बजनिक भएको छ । २०५६ सालमा रेडियो नेपालको स्वर परिक्षा दिएर पास हुनुभएकी शिला अहिले रास्ट्रीय नाचघरमा कार्यरत हुनुहुन्छ । वहा राष्ट्रिय नाचघरमा स्थाई रुपमा महिला गायन कलाकारको रुपमा कार्यरत हाल एक जनामात्र महिला गायीका हुनुहुन्छ ।
पाच सय भन्दा बढी गीत गाइसक्नु भएकी शिलाले दश वटा भन्दा बढी भाषामा गीत गाइसक्नु भएको छ । वहाँको स्वर पचास भन्दा बढी फिल्महरुमा, कान्तिपुर टेलिभिजनमा प्रसारण हुने गरेको पलेटी शृंखला, र आफ्नै एकल गायन पनि प्रस्तुत गरिसकेकी छिन् । कृष्ण भारद्वाजको शब्द र संगीत रहेको “जुरेन भने चिना, के गर्छौ मायालु ” बोलको गीतको म्युजिक भिडियो भने जमाल अलीले बनाउनु भएको हो । यस गीतका एरेन्जर किरण कणेल हुन् र उक्त गीत प्रज्ञा साउण्ड डिजिटल रेकर्ड स्टुडियोमा रेकर्ड भएको हो ।
