चिकित्सा विधेयक पारित
२५ पुष २०७५, बुधबार १५:१४
बर्षौँ देखि अन्यौलमा रहेको संघीय संसदको शिक्षा तथा स्वास्थ्य समितिबाट राष्ट्रिय चिकित्सा शिक्षा विधेयक बहुमतले पारित भएको छ।
एउटा विश्वविद्यालयले पाँचवटा भन्दा बढी कलेजलाई सम्बन्धन नदिने विषयमा डा. केसीसँग सहमति भएको थियो। तर अहिले ऐन प्रारम्भ हुनुअघि उपत्यका बाहिर सम्बन्धन पाइसकेका, आसय पत्र बुझाइसकेका कलेजलाई भने सम्बन्धन दिने भएको छ।
जुन विधेयक डा.गोविन्द केसीसँग भएको सम्झौता विपरीत चिकित्सा विधेयक पारित भएको भन्दै प्रमुख प्रतिपक्षी दल नेपाली कांग्रेसका सांसदहरुले असहमति जनाएका थिए।
जुन कुरा डा. केसीसँग सम्झौता भएअनुसार विधेयक नआएकोले आफूहरुले असहमति जनाएको नेपाली कांग्रेसका सांसद गगन थापाले जानकारी दिएका छन्।
सांसद थापाले डा. केसीसँग भएको सम्झौता हुबहु कार्यन्वयन नभएको भन्दै असन्तुष्टि जनाएका छन्।
आजको समितिको बैठकमा १८ जना सांसदहरु सहभागी थिए जसमध्ये १४ जना नेकपाका थिए। बहुमतबाट विधेयक पारित भएको छ।
