मकर सक्रान्तीको अवसरमा गण्डक प्रदेशमा सार्वजनिक विदा

देशै भरी विभिन्न जात जातिले आफ्नै ढङगले मनाउने मकर सक्रान्तीको अवसरमा गण्डकी प्रदेश सरकारले सार्वजनिक बिदा गर्ने घोषणा गरेको छ। गण्डकी प्रदेशमा विशेष धुमधाम संग मनाइने यो पर्व विगतका बर्षहरुमा दिइँदै आएको विदा गत बर्ष देखि हटाइएको थियो ।
मन्त्रिपरिषदको बुधबार सम्पन्न बैठकले माघे सक्रान्तीको दिनमा विदा निर्णय गरेको सरकारका प्रवक्ता एवम् भौतिक पूर्वाधार विकासमन्त्री रामशरण बस्नेतले जानकारी दिनुभयो ।

यसअघि गण्डकी सरकारले पौष पन्ध्र लोसारको अवसरमा पनि बिदा दिएको थियो। उक्त बिदामा पनि संघीय सरकार मातहतका सरकारी कार्यालय र निजी क्षेत्रका बैंक तथा वित्तीय संस्थाले प्रदेश सरकारको निर्णय अस्वीकार गरेका थिए।

मकर सक्रान्तीको अवसरमा गण्डक प्रदेशको विभिन्न धार्मिक तिर्थ स्थलहरु तथा नदिहरुमा मकर स्नान गर्ने मानिसहरुको घुइँचो हुन्छ । भने यस पर्वमा विभिन्न स्थानमा मेला लाग्ने पनि गर्दछ । हाल गण्डकी प्रदशेमा मगर जातिको जनसंख्या ४ लाख ५२ हजार ५ सय ९० छ । थारु ४१ हजार १ सय ५९ छन् । २४ लाखभन्दा बढी जनसंख्यामध्ये मगर १८ प्रतिशत छन् ।