विहिवार देखि हवाई इन्धन शुल्क घटे लगत्तै हवाई भाडा पनि घट्ने
२६ पुष २०७५, बिहीबार १४:५५
आज देखि नेपाल आयल निगमले हवाई इन्धनको मूल्य प्रति लिटर रु १० घटाए लगत्तै अव हवाई भाडा शुल्क पनि घटाइने भएको छ ।
आयल निगमको ४९ औँ वार्षिकोत्सव समारोहमा उद्योग वाणिज्य तथा आपूर्ति मन्त्री मातृका यादवले विहिवार देखि मूल्य घटाउने सहमति भएको जानकारी दिनुभयो ।
साविकको बिक्री मूल्य १०४ रुपैयाँ ५० पैसा प्रतिलिटरमा १० रुपैयाँ घटाएर ९४ रुपैयाँ ५० पैसा कायम गरिएको उहाँले बताउनुभयो ।
हवाई इन्धनको मूल्य घटेसँगै आन्तरिकतर्फको हवाई भाडा पनि केही कम हुने मन्त्री यादवले जानकारी दिनुभयो । पछिल्ला केही पटक डिजल, पेट्रोल, मट्टीतेललगायतको भाउ घटे पनि हवाई इन्धनको मूल्य घटेको थिएन ।
