नेपाल भरी नै मनाइने पर्व मकर सक्रान्ती तथा माघी पर्वको उपलक्ष्यमा पोखराको ढुंगेसाँघुमा महिलाद्धारा वेद पाठ गरी यज्ञ गरिने भएको छ । महिलाद्धारा गर्न लागिएको वेद पाठमा भारत देखि विभिन्न विघामा पोख्त ७ जना धर्म गुरुहरुको समेत उपस्थीती रहनेछ ।

पौराणिक काल देखि नै संचालनमा आइरहेको पोखराको ढुंगेसाँघुको जात्रा कास्की जिल्लाकै पुरानो जात्राको रुपमा लिने गरिन्छ । अरु जात्रा भन्दा पृथक यस जात्रामा विभिन्न खेलकुद तथा कार्यक्रमहरु आयोजना गरिन्छन । यसपाली जात्रालाई झनै पृथक बनाउन महिलाहरुद्धारा वेद पाठ गर्ने र कन्दमुल पर्दशनी गरिने छ । जहाँ तिर्थालुहरुलाई कन्दमुलहरुको सम्पुर्ण प्रजातीको महत्व, आवस्यकता र उपयोगिताको जानकारी समेत प्रदान गर्ने लक्ष्य रहेको ब्यबस्थापक समुहले जनाएको छ । यस जात्राको अर्काे आर्कषणको रुपमा भजन चुड्का प्रतियोगिता समेत राखिने भएको छ । यस प्रतियोगितामा विजेताले पुरस्कार समेत प्राप्त गर्नेछन ।

स्वस्फुर्त निर्मित पुल ढुंगेसाँघुको नामवाट परिचित यस जात्रा त्रेता युगमा भगवान श्रीराम र सीता बनवासको समयमा यस स्थानमा पुसको अन्तिम दिन आएर राती बास बसी विहान भएपछि सेतिमा स्नान गरी बेलुका पकाएर राखेको कन्दमुल, खुदो चिउरा, तिलको लड्डु खाएका थिए । त्यसै बेला देखि मानिसहरु माघ १ गते यस स्थानमा आएर सेति स्नान गरी खुदो चिउरा, तथा कन्दमुल खाने र आवस्यक सामान किनबेच गर्ने गर्दै मेला प्रारम्भ भएको पाइन्छ ।