काठमाण्डुबासीहरु हरेक मौसममा गन्तब्यको खोजिमा रहन्छन्, मौसम अनुकुल गन्तबयहरु । गर्मीमा गर्मी छल्न नगरकोट अनि साँखुको हावा खान पुग्ने काठमाण्डुबासीहरु जाडोमा हिँउको खोजिमा शदियौं देखि दामन, फुल्चोकी अनि अहिले आएर कालिन्चोक कुरि बजारसम्म पुग्न थालेका छन् ।
पर्यटन प्रवर्धनको वर्षमा आन्तरिक पर्यटन प्रवर्धन गर्न हरे्क हिँउदमा कुरिको हिँउले ठूलो भूमिका खेलेको पाइन्छ । काठमाण्डुवाट ५ घण्टा जतिमा चरिकोट अनि उकालोसंगै शुरु हुन्छ हिँउको खोजि । अहिले त कालिन्चोक मन्दिर जान केवलकारको सुविधा पनि थपिएको छ, यसवर्ष हिँउमा प्रविधी पनि थपिएको छ । केवलकारले गर्दा कालिन्चोक अझै नजिक भएको छ । घण्टौं लगाएर उकालो चढेर पुग्नुपर्ने मन्दिर अब केही मिनटमै पुग्न सकिनेछ । अर्कोतर्फ मन्दिर जाँदाको रौनक, साहस अनि परिश्रम केवलकारले अलिक नमिठो बनाएको र यसले गर्दा समयको वचत भई तिर्थालुहरु कुरि बजारमा वास नबसि फर्कन सक्ने संभावना पनि बढेको स्थानीयको गुनासो छ ।
कालिन्चोक मन्दिर अनि कुरिको सौन्दर्य केहि घण्टामा भनें पत्तो चल्ने कुरा हैन्, त्यहाँको सूर्योदय र सूर्यास्त अद्भूत छ । लाइभमाण्डु का सदस्य बिजय धिताल  यसवर्ष कालिन्चोक पुगेर फर्केका छन्, आउनुहोस् उन्का तस्वीर अनि भिडियोमा नियालौं कालिन्चोकलाई ।

यो वर्ष हिँउ कालिन्चोकमा अरु वर्ष झैं बाक्लो भनें छैन तथापि ससाना हिँउका थुम्काहरुमा एउटा गज्जब आभाष भनें कालिन्चोकले दिएको छ । अधिकतम कालिन्चोक जानेहरु भने यूवापुस्ता र दुईचक्केमा जाने पाइएको छ । काठमाण्डुवाट शुक्रबार अफिसमा केहि छिटो बिदा लिएर शनिवार उपयोग गर्न गएका हिँउका पारखीहरु आइतवार धेरैजसो कार्यालयमा हाजिर पनि देखिन्छन् भनें कोही सोमबारवाट हिँउका कथा सगांल्दै कार्यालय पुग्दछन् ।

रात बस्दा हल्का रुपमा लेक लागेको झैं पनि भएको धेरैको अनुभव छ । हिँउको थुप्रोको छेउ आगो बालेर तोङबाको स्वाद अनि लोकगीतको झुमाईमा कालिन्चोक हरेक साँझ गुञ्जायमान देखिन्छ । रेन फरेस्ट अर्थात अत्याधि वर्षाहुने जगंल माथि उभिएको कुरि बजारले हरेकको खुशीको खोजलाई एउटा गन्तव्य दिएको छ है ।
आजको यस आलेखलाई हामीले नाम दियौं, कालिन्चोक, केवलकार अनि हिँउ