डब्बु क्षेत्री, काठमाडौं । सामाजिक कथामा आधारित हास्यप्रधान चलचित्र ‘चौक दाउ’ शुक्रबारबाट दोस्रो सातामा प्रदर्शन भईरहेको छ । पछिल्लो समय हाँसो र रमाइलो विषयबस्तु केन्द्रित चलचित्रहरुको बोलबाल रहेको क्षणमा आएको चलचित्र ‘चौक दाउ’लाई देशभरीका दर्शकहरुबाट न्यानो माया मुलुकका करिब तीन दर्जन हलहरुमा प्रदर्शन भईरहेको जानकारी वितरकले दिएका छन्  ।

‘माघे सक्रान्तीको अबसर पारेर हामीले चौका दाउ रिलिज गरेका हौं । यो फिल्मले दर्शकलाई दुई घन्टासम्म पुरा हँसाउँदै मनोरञ्जन दिएको छ । यो चलचित्रका संगीतकार शम्भुजीत बासकोटाले चौका दाउ काठमाडौंका गोपि कृष्ण, गुण, अष्टनारायण, गँगा सहित आठ हलमा दोश्रो साता प्रदर्शन भईरहेको बताए ।

बरिष्ठ सङ्गीतकार शम्भुजीत बासकोटाको कथा तथा परीकल्पना यस ‘चौक दाउ’लाई सौर्यजीत बासकोटा र मनोज राजभण्डारीले निर्माण गरेको हुन भने काठमाडौंमा केबी फिल्मस् र मोफसलमा एफडीले वितरण गरेका हुन् ।

निर्देशक पुर्नेन्दु झाले चौका दाउ निर्देशन गरेका हुन् । उनका अनुसार यो फिल्ममा चार चौकाको रुपमा सन्तोष पन्त, रविन्द्र झा, विल्सन विक्रम राई, तैयव शाह छन् । पाँचौ चौकाको रुपमा अजश्र ढुङ्गानालाई देख्न सकिन्छ । फिल्मकी एक मात्र ‘मिस्सी’को रुपमा वर्षा राउत प्रस्तुत भएकी छिन् । अन्य कलाकारमा निर्मल शर्मा, श्याम राई, रमेश अधिकारी, शिवशंकर रिजाललगायत छन् ।

पौढदेखि तन्नेरी पुस्तासम्मका पुरुषहरुको युवती प्रतिको आकर्षण र त्यस्ले निम्त्याउने परिणाममा यो फिल्म केन्द्रित रहेको छ । फिल्मलाई परिवारमा बसेर हेर्न सकिने निर्देशक झाको भनाई छ । यो पूर्णतया सामाजिक कथामा आधारित सिनेमा भएको पनि उनले जानकारी गराए ।

चौका दाउमा वसन्त श्रेष्ठको नृत्य र भिमफेदी गाईजको नृत्य निर्देशन, दीर्घ गुरुङको छायांकन, मित्रदेव गुरुङको सम्पादन, रोशन श्रेष्ठको द्वन्द्व निर्देशन, सुवास काफ्लेको निर्माण ब्यबस्थापन रहेको छ । यो चलचित्रको दुई गीत ‘राधा पियारी…’ र ‘मेरो माया कतारमा…’ चर्चामा छ । फिल्म अष्ट्रेलियामा समेत प्रदर्शन गरिने भएको छ ।

नेपाली चलचित्र नेपाली दर्शकबिच छाउँदै गएको यस समयमा अझैपनि राम्ररी चलिरहेका शोहरुको बिचमा बलिउड सिनेमाको रिलिज मल्टिप्लेक्सहरुमा प्राथमिकतामा पर्नु चैं दुःखद छ । यसले नेपाली सिनेमाको बिकासमा कुनैपनि हालतमा सहयोग भने गर्दैन ।