ielts

अब IELTS को परीक्षा कम्प्युटर प्रणालीमा


अन्तर्राष्ट्रिय अंग्रेजी भाषा परीक्षण प्रणाली (IELTS) को परीक्षा अब कम्प्युटर प्रणालीबाट पनि दिन सकिने भएको छ ।

यसअघि IELTS परीक्षा कागजी प्रणालीमा मात्रै थियो । अब परीक्षार्थीले दुई मध्ये एक विकल्प रोजेर आफूलाई सहज हुने प्रणालीबाट परीक्षा दिन सक्नेछन् ।

कम्प्युटर प्रणालीबाट लिइएको परीक्षाको नतिजा छिटो सार्वजनिक हुनेछ । कागजी प्रणालीको दुई हप्ता र कम्प्युटर प्रणालीको नतिजा एक हप्ताभित्र प्रकाशन हुने ब्रिटिश काउन्सिलले जनाएको छ ।

विषयवस्तु दुवै प्रणालीमा समान हुने र बोलाई अर्थात् स्पिकिङ टेस्ट पनि दुवै प्रणालीको परीक्षकसँग आमने सामने नै हुने काउन्सिलको भनाइ छ ।

शिक्षा, आप्रवासन र पेशागत प्रमाणिकरण प्रयोजनका लागि आइईएलटीएसको परीक्षा विश्वभर लिइन्छ ।

IELTS को स्वामित्व संयुक्त रुपमा ब्रिटिश काउन्सिल, इन्टरनेशनल डेभलपमेन्ट प्रोग्राम (IDP), IELTS अष्ट्रेलिया र क्याम्ब्रिज एसेस्मेन्ट इङ्लिससँग छ ।


Loading comments...