एमबीबीएस पढ्न चीन र बगंलादेश जानेका लागि नयाँ नियम


पछिल्लो समयमा एनएमसीएलाई लाइसेन्स जाँचमा मुश्किलले ३० प्रतिशत पनि बिधार्थी उतिर्ण नभएपछि नेपाल मेडिकल काउन्सील बिदेशबाट एमबीबीयस पढेर आएका बिधार्थीहरुको हकमा संवेदनशील भएको पाइएको छ ।
चीनमा भाषा कठिनाई अनि बंगलादेशका प्राइभेट मेडिकल कलेजमा बिधार्थीको अध्ययन अध्यापनमा कठिनाई भएको नेपाल मेडिकल काउन्सीलको ठम्याई छ ।

अब नेपाल मेडिकल मेडिकल काउन्सीलले चीन अध्यनार्थ जाने बिधार्थीलाई चिनियाँ भाषा जानेर मात्र जानु पर्ने र चिनियाँ भाषामै अध्ययन गर्नुपर्ने प्रावधान ल्याएको छ । चिनियाँहरुले अंग्रेजी बिषयमा सहज अध्यापन गराउन नसक्ने भएकाले भाषगत कठिनाईले नेपाली बिधार्थीको अध्ययनस्तर खस्किएको ठहर काउन्सीलको छ ।

उता बंगलादेशको हकमा भनें केवल सरकारी कलेजहरुमा मात्र नेपाली बिधार्थीलाई एमबीबीएस अनुमती दिने काउन्सीलको निर्णयमा उल्लेख छ । यस बिषयमा काउन्सीलले ४५ दिनअगावै शिक्षा मन्त्रालयलाई परिपत्र पठाएपनि त्यसको जवाफ काउन्सीलले नपाएको बताइन्छ । बगंलादेशमा २५ वटा सरकारी कलेज भएतापनि १०० भन्दा बढि निजी कलेज रहेको तथ्याकं छ र अहिले त्यहाँको मेडिकल काउन्सीलले ३ दर्जन बढि निजी कलेजलाई कालोसूचीमा राखेको बताइएको छ । अहिले ति कालोसूचीकै प्राइभेट बंगलादेशी कलेजमा ६ देखि ७ सय नेपाली फसेको हुनसक्ने संभावना छ । लाइसेन्स परीक्षामा पनि चीन र बगंलादेशबाट फर्केका बिधार्थीहरुको अनुतिर्ण हुने दर धेरै पाइएको छ । तथापी नेपालबाट बिदेश एमबीबीएस पढ्न जाने बिधार्थीहरुको प्रमुख रोजाईमा चीन र बंगलादेश नै परेको देखिन्छ ।
यो नयाँ मापदण्ड कार्यान्वयन कतिको सहज हुनेछ या हुँदैन हेर्न बाँकी छ ।

लाइभमाण्डु


Loading comments...