यो तस्वीर हामीसबैले सामाजिक सञ्जालमा देखिरहेका छौं । बिगतका हप्ताहरुदेखि सर्वत्र यो सेल्फी भाइरल छ र निकै चलेका हस्तिहरु देखि सामान्य हामीसबैले यसलाई शेयर, लाइक्स र ब्याख्या सम्म गरेका छौं । एकहुल बच्चाहरु जो हेर्दा गरिब र अभावमा बाँचेका देखिन्छन् उनीहरु करोडौं मुल्यको मुस्कानका साथ चप्पललाई मोबाइल मानेर सेल्फी खिचिरहेका देखिन्छन् । तिनीहरुको आँखाको मुस्कानले त्यो चप्पललाई पनि मोबाइलभन्दा हजारौं गुणा महत्वपूर्ण बनाइदिएको छ । लाखौंका फोन किनेर एक पित्कोसम्म हाँस्न नसक्नेहरुका लागि एउटा फाटेको चप्पल र केहि बालबालिकाले ठूलो कुरा सिकाएका छन् भन्ने तर्क धेरैको छ ।

भारतका चर्चित चलचित्र अभिनेता बोमन इरानीले ट्वीट गर्दै यो तस्वीरलाई तपाँई कति खुशी हुने कुरा तपाँई आफ्नै निर्णयमा फरक पर्दछ भनी लेखेका छन् ।

अनुपम खेर, सुनिल सेठी लगायत धेरै बलिवुडका कलाकारले यस मुस्कान सहितको बच्चाहरुको फोटो शेयर गरेका छन् ।
अमिताभ बच्चनले चाँही यो फोटोशप गरिएको हो कि भन्ने सन्देहका साथ तस्वीर शेयर गर्दा धेरैजनाले यो फोटोशप नगरिएको भनी प्राविधिक तर्कहरु राखेका छन् ।
जे होस् यो सेल्फीले खुशी रहन धनी नै बन्नुपर्छ भन्ने तर्कलाई मात दिएको छ । ल है तपाँई हामी सबै खुशी हौं ।

लाइभमाण्डु