
चन्द्रागिरिको उँचाईमा पशुपतिनाथ र पृथ्वीनारायण
२९ माघ २०७५, मंगलवार ०८:४७

गणतन्त्र आएका बर्षको पुस २७ गते श्री ५ पृथ्वीनारायण शाहका मूर्तिमा फूलमाला चढाउने सुरूमा डा. मोदनाथ प्रश्रित र ईश्वरवल्लभ दुई जना मात्र थिए । त्यस बेला दुवै जनाले सिंहदरबारको मुलढोका अगाडि अवस्थित श्री ५ पृथ्वीनारायण शाहका मूर्ति मुनि उभिएर कविता वाचन गरेका थिए र श्रोता हामी नइ मात्र थियौं । त्यस कालरात्रिको समयमा डा. मोदनाथ प्रश्रितले यो कविता वाचन गरेका थिए:
तिमीलाई बिर्से सबै बिर्सिने छौँ
यसै देशभित्रै विराना हुने छौँ ।
•••
चन्द्रागिरि, चन्द्रागिरि चन्द्रागिरि सुनिरहन्थ्यौँ । आखिर के रहेछ त चन्द्रागिरि ?
कौतुहल शान्त पार्ने उद्धमका लागि हामी पञ्च (कमरेड डा. मोदनाथ प्रश्रित, विदुषी प्रसाई, अनुकृतिका प्रसाईका साथमा हामी नइ) २०७५ साल माघ २८ गते चन्द्रागिरि पुग्यौँ ।
चन्द्रागिरिबाटै श्री ५ बडामहाराज पृथ्वीनारायण शाहले उपत्यका ताकेका थिए र दिग्विजय पनि गरेका थिए ।
साथै चन्द्रागिरिको शिरमा सतीेदेवीको भाल अथवा भनौं निधार पतन भएथ्यो र त्यसपछि त्यहाँ शिवलिङ्गको स्थापना भएथ्यो ।
सुरम्य वातावरणमा आकाश छुने उँचाईमा अवस्थित भालेश्वर महादेव मन्दिरको दर्शन र नेपाल राष्ट्रका निर्माता श्री ५ वडामहाराजधिराज पृथ्वीनारायण शाहको भव्य सालिकको दर्शन गरेपछि हामी अभिभूत भयौँ ।
सनातन हिन्दू धर्ममाथि चारैतिरबाट प्रहार गरिँदै गरेको स्थितिमा सुन्दर एवम् कलात्मक प्राचीन पेगोडा शैलीको पशुपतिनाथीय स्वरूपमा निर्माण गरिएको मन्दिर सुव्यवस्थित राखिनु अति स्तुत्य र विशिष्ट कार्य हो ।
अर्कातिर राष्ट्रियताको धरातल क्रमशः खस्किँदो वर्तमान अवस्थामा राष्ट्र प्रमुखबाटै उदघाटित पृथ्वीनारायण शाहको नाउँका अघिल्तिर ‘श्री५’ र अन्त्यमा ‘देव’ समेत शिलामा लेखिएको देख्न पाउँदा हामी नेपालीहरूमा कृतज्ञभाव मरिसकेको रहेनछ भन्ने सुखद् अनुभूति पनि हामीले सँगाल्न पायौँ ।
समग्रमा चन्द्रागिरि परियोजनाद्वारा सनातन हिन्दू धर्मको संरक्षण गर्दै नेपाली राष्ट्रियताको संवर्धन गरिएको स्पष्ट भयो ।
यस्तो स्तुत्य कार्य गरेर नेपालीभूमीलाई अझै परिस्कृत गर्ने चन्द्रागिरि परियोजनाका अभियन्ताहरू प्रति हामीले आभार प्रकट गरेका छौँ ।
चन्द्रागिरिको स्थापनाको अर्थ हिन्दूधर्मको प्रचार र श्री ५ को महत्व दर्शाउनु पनि एक हो भन्ने हामीमा अनुभूत भएको छ ।
गणतन्त्र भित्रिएपछि श्री ५ पृथ्वीनारायण शाह विषयक नेतृत्वदायी भूमिका खेल्दै आएका डा. मोदनाथ प्रश्रितका अनुसार ‘चन्द्रागिरि हामी देशभक्त नेपालीका लागि अर्को गौरवीभूमि भएको छ । यो ठाउँ पनि हाम्रो तीर्थस्थल हो ।
प्रतिक्रिया दिनुहोस !
सम्बन्धित खबरहरु
काठमाण्डौ । काठमाण्डौमा गत आइतबार सम्पन्न भारतको प्रतिष्ठित ‘क्याप्टिभेटिङ क्रिएसन अवार्ड २०२३’को छैठौं संस्करणमा वरिष्ठ कलाकार हरिवंश आचार्य, विशिष्ट संगीतकार
‘मेरो गाउँ, मेरो ठाउँ’ भिडियो च्यालेन्ज २०२३ का लागि विभिन्न दस विधामा ७० वटा वृत्तचित्र मनोनयन भएका छन् । देशैभरबाट
सोलुखुम्बु — नेपालका लागि भारतीय राजदूत नवीन श्रीवास्तवले सोलुखुम्बुमा ध्यान केन्द्र र गुम्बाको शिलान्यास गर्नुभएको छ। बुद्ध जयन्तीका अवसरमा राजदूत
जारी फिल्म सुखद रुपमा चलिरहेको छ । हिजो छोरीको स्कुल जानु पर्ने थियो ब्यस्तताले जान पाईन । नानीको आमालाई छोरीसँग