पोहोर साल यतिबेला विश्व अमेरिका र उत्तर कोरियाली राष्ट्रपतीहरुको टेबलमा भएको मिसाइलको स्वीचको शक्ति बक्तब्यहरु अनि भावी आणविक युद्धको चपेटामा आक्रान्त थियो । तर क्रमश अमेरिकी र उत्तर कोरियाली राष्ट्रपतीहरुको भेट अनि दौंतरी समबन्धको किस्ससाहरु जसैजसै आउन थाले तसै तसै विश्वले शान्तिको आभाष पाउन थाल्यो । अब फेरि अमेरिकी राष्ट्रपती र उत्तर कोरियाली राष्ट्रपतीको भेट कार्यको कुरा चलिरहँदा भर्खरै अमेरिकी गुप्तचर बिभागले उत्तर कोरियाको लुकेको मिसाइल केन्द्रको पत्ता लगाएको छ ।
दुबै देशहरु एकअर्कासंगको आणविक भयमा रहेको बताइन्छ तथापी दुबै देशहरु डिन्यूट्रिलाइजेशनको प्रस्तावमा सहमत छैनन् । उत्तर कोरिया अमेरिकी शक्ति प्रभुत्व स्वीकार्न तयार छैन र अमेरिका झनै शक्तिको उन्मादमा सदैव छ । अब यस परिस्थितीमा आउनुहोस् कुरा गरौं यो उत्तर कोरियाको मिसाइल केन्द्रको समाचारले अमेरिका र उत्तर कोरियाविचको समबन्धमा कतिको चिस्यान पर्ने हो भनी ।
उत्तर कोरियासंग लामो दुरिका बेलीस्टीक मिसाइलहरुको २० वटा केन्द्र रहेको बताइन्छ । अमेरिकाको सेन्टर फर स्ट्राटेजिक एण्ड इन्टरनेशनल स्टडिज नामक संस्थाले निकालेको प्रतिवेदनमा उत्तर कोरियाको सिनो रि र नोडोगं भन्ने ठाँउमा सक्रिय दुईवटा मिसाइल केन्द्र रहेको बताइन्छ । यी केन्द्रहरु सक्रिय भएको र फस्र्ट स्ट्राइक गर्न सक्षम रहेको बताइन्छ ।

उक्त अमेरिकी एजेन्सीका अनुसार उत्तर कोरियाका सबै अघोषित २० वटा मिसाइल केन्द्रहरु फस्र्ट एटाक गर्न तत्पर र सक्षम छन् । यस हिसाबमा अमेरिकी पक्षको डिनयूक्लीयराइजेशन संभव नभएको र उल्टै न्यूक्लीयर पथमा उत्तर कोरिया झनै अघि बढिरहेको बताइन्छ ।
उत्तर कोरियाका बिषयमा अमेरिकी तर्फबाट निकै नजिक रहेका अनि बार्ता टोलीमा पनि सहभागी लेखक भिक्टर चा ले औपचारीक बक्तव्यमा उत्तर कोरियाले गेम खेलेको आरोप पनि लगाए भनी हफिगंटन पोष्ट लेख्दछ ।

डिसेम्बर महिनाको २७ तारिखको स्याटलाईट रिपोर्टका तस्वीरहरुले ति स्थानमा बंकर अनि बिभिन्न बख्तरबन्दहरुको तस्वीर पठाएको थियो । ह्वाइट हाउसको आधिकारीक बक्तव्य आउन बाँकी छ ।

लाइभमाण्डु