साउदी राजकुमारको हवाइजहाज भारतमा सोझै आउन पाएन

साउदी राजकुमार मोहम्मद विन सलमान अहिले दक्षिण एसियाली मुलुकहरुको भ्रमणमा छन् । खग्गोशीको हत्या विषयमा प्रत्यक्ष रुपमा मुछिएको भनिएका राजकुमार अहिले दक्षिण एसियाली मुलुकहरु बिशेषत भारत र पाकिस्तानको भ्रमणमा निस्केका छन् । राजकुमार शुरुमा पाकिस्तान पुगेका हुन र त्यतीबेला नै भारतपाक युद्धको नमिठो र तितो समय आइपरेको हो ।

पाकिस्तानी प्रधानमन्त्रीको भारतलाई बक्तव्यमा पनि आफु साउदी राजकुमारको भ्रमणमा ब्यस्त भएकाले शिघ्र बक्तव्य दिन असमर्थ बताएका थिए । उता साउदीका राजकुमारले पाकिस्तालाई आर्थिक सहयोग र कुटनैतिक समर्थनको आश्वाशन पनि दिएको बताइन्छ ।

विश्वकै अधिक शक्तिशाली मध्यका एक साउदी राजकुमार र राजकुमारलाई कतारलाई नाकाबन्धी लगाउने मुख्य योजनाकार पनि मानिन्छ । शक्ति, धन अनि विश्वव्यापी ब्यापार समर्थनको उचाईमा रहेका यि राजकुमारको हवाइजहाजलाई भनें भारतले पाकिस्तानबाट सोझै भारतमा अवतरण गर्न नदिएको श्रोतहरुले बताएका छन् । पाकिस्तान भारत तिक्तताको कारणले अनावश्यक सुरक्षा झन्झट औंल्याँउदै भारतले साउदी राजकुमारको हवाइजहाजलाई पाकिस्तानबाट उनकै राजधानी रियाद पठाएर अनि फेरि रियादबाट भारत आउन लगाएको हो ।

भारतले इस्लामावादबाट सोझै आएको जहाज अवतरण गर्न नदिने भएपछि उड्ययन सुरक्षाको कारण देखाँउदै जहाज रियाद पुगेको थियो । उता साउदी अरबका परराष्ट्र मन्त्री अदेल अल जुबियरले भनें राजकुमारको भ्रमण भारतपाक तनाबको कमी र शान्तिको पहलमा हुने बताए ।
राजकुमार गत मगंलबार दिल्ली अवतरण गरेका हुन् ।

—
लाइभमाण्डु