बंगलादेशको राजधानी ढाकामा भिषण आगलागी
९ फाल्गुन २०७५, बिहीबार १४:४४
भर्खरै ढाकाको एउटा व्यस्त गल्लीमा भिषण आगलागी भएको र कम्तीमा पनि ७० जनाको मृत्यु भएको जनाइएको छ । मुगल साम्राज्यका समयका भवनहरु भएको यस चौकाबजारमा आगलागी भएको हो । तल्लो तल्लामा पसलहरु भएको यस साँघुरो गल्लीमा माथिल्लो तलाहरुमा मान्छेको बसोवास थियो । मर्नेहरुमा धेरै जसो महिला र बालबालीका रहेको बताइन्छ । अग्निनियन्त्रण शाखा प्रमुख शाकिल नवाजले यो अत्यन्त कठिन र दुस्खद घडी रहेको बताए । ७० वटा मृत शरीरलाई बडि ब्यागमा हालेर ढाका मेडिकल सिटी अस्पताल ल्याइएको बताइन्छ । ढाका शहरको ट्राफीक जामका कारण पनि समयमा दमकलहरु आगलागी निभाउन आउन ढिला भएको जानकारी छ ।
