साउदी अरब अहिले कुटनैतिक कुरामा निकै नै अघि बढिरहेको अनि चिन्तनमा छ जस्तो लाग्दछ । त्यहाँका राजकुमारको दक्षिण एसियाली भ्रमण अनि साउदी अरबको वैदैशिक निति र लगानीका अनि सहयोगका कुराहरु बढ्दा छन् ।

उता अमेरिकामा बस्ने साउदी अरबीमुलका पत्रकार खग्गोशीको टर्कीमा विभत्स हत्यामा प्रत्यक्ष संलग्न मानिएका साउदी राजकुमारको भूमिकाले पछिल्ला समयमा साउदी र अ‍ेमेरिकाबीचको समबन्धका बिषयमा चिसो उत्पन्न भएको पक्कापक्की छ । यस अवस्थामा साउदीको प्रतिनिधित्व गर्दै अमेरिकामा जाने राजदुतको भूमिका यस चिसो समबन्धलाई राम्रो र सुमधुर बनाउन विशेष रहने पक्का छ ।
अहिलेका राजकुमारका कान्छा भाई खादिल बिन सल्मानलाई अमेरिकी राजदुतको पदमा प्रतिस्थापन गर्दै राजकुमारी रिमा बिन्त बन्डारको पदवाहली गरिएको साउदी सञ्चार माध्यमले जनाएका छन् । उता बिन सल्मानलाई भनें उपरक्षा मन्त्री पदमा पदवहाली गर्दै अमेरिकावाट फिर्ता बोलाइएको छ ।

अब खग्गोशीको कुरा गरौं जो वासिंगटन पोष्टका स्तम्भकार पनि हुन् । उनलाई गत अक्टोबरमा साउदी अरबका एजेन्टहरुले टर्कीमा विभत्स हत्या गरेका थिए । खग्गोशी आँफैपनि राजपरिवारका कनिष्ट सदस्य थिए जस्ले गर्दा भित्रिया कुराहरु र तथ्यहरु उनलाई सहजै थाहा थियो । उनलाई हत्या गर्ने अनि प्रतिशोध लिने मनसाय राजकुमार सल्मानले एक वर्ष अघि नै बनाएको तथ्य पनि अहिले सञ्चारमाध्यमहरुमा आउन थालेका छन् ।

साउदी अरबको बढ्दो चर्चा र उदारताका कदमहरुमा खग्गोशीको हत्याले लभगल पूर्णविराम नै लगाइदिएको छ । विश्वको नजरमा फेरि साउदी अबर एउटा कडा ईस्लामीक र तानाशाहको देश हुन पुगेको छ ।

हुन त अहिले अमेरिकाकी राजदुत बनाइएकी राजकुमारी रिमा पनि पूर्व साउदीका अमेरिकी राजदुतकी छोरी र महिला अधिकारका लागि तल्लीन अधिवक्ता पनि हुन् । सरकारलाई उनका कुरा र चर्चा फलामको च्यूरा चपाएझैं भएको भएतापनि साउदी अरबले तिनै राजकुमारीलाई अमेरिकाकालागि राजदुत तोकेको छ ।