रातिदेखि भएको अविरल वर्षासंगै आज विहान ६ः३० बजेदेखि ७ बजेसम्म लुभू, सानागाउँ आसपासका क्षेत्रहरुमा हिमपात सहितको वर्षा भएको छ । करीब ३० मिनेट परेको हिउँसंगै यस क्षेत्रको तापक्रम ४ डिग्री सेल्सियसमा झरेको छ ।

जल तथा मौसम विभाग अन्तर्गतको मौसम पूर्वानुमान महाशाखाले ३ दिनको पूर्वानुमानमा आज बिहानको मौसमबारे कुनै जानकारी अपडेट नगराएको भएपनि दिउँसो देखि रातिसम्मको जानकारी उल्लेख गरेको छ ।

आगामी तीन दिनको मौसम पूर्वानुमान (२०७५/११/१५ देखि २०७५/११/१७) साँझ ६:०० बजे
दिउँसो: देशको पूर्वि तथा मध्य भु-भागमा सामान्य देखि पूर्ण बदलि रही पश्चिमि पहाडि भु-भागमा आंसिक देखि सामान्य बदली रहने छ भने बाँकी भु-भागमा आंसिक बदली रहने देखिन्छ । देशको पुर्वि तथा मध्य भु-भाग लगायत पश्चिमि पहाडि भु-भागका केहि स्थानहरुमा मेघ गर्जन सहित हल्का वर्षाको संभावना रहेको छ । देशका उच्च हिमाली भु-भागहरूमा हल्का हिमपातको सम्भावना रहेको छ ।

राति: देशको पहाडी भु-भागमा आंसिक बदली रहने र बाँकी भु-भागमा मौसम सामान्यतया सफा रहनेछ। पहाडी भूभागका १ -२ स्थानहरुमा हल्का वर्षाको संभावना रहेको छ ।