यस्तो छ महाशिवरात्रिमा पशुपति जाने सजिलो बाटो र पार्किङ

भोलि अर्थात सोमबार महाशिवरात्रिको अवसरमा पशुपतिनाथमा ठुलो मेला लाग्ने गर्दछ । लाखौ मानिसहरु पशुपतिनाथको दर्शन गर्न जाने भएको कारण भिड ब्यबस्थापनको लागी पूर्वाधारहरु बनाएको छ भने त्यतीकै मात्रामा प्रहरी, शसस्त्र प्रहरीहरु समेत खटाएको छ । त्यस्तै पशुपति क्षेत्रमा मासु, मदिरा, गाँजा लगायत नशालु पदार्थ पूर्ण रुपमा बेचबिखन र सेवनसमेतमा प्रतिबन्ध लगाइएको छ । दर्शनका क्रममा असहज भएका दर्शनार्थीको लागि ठाउँठाउँमा प्रहरी हेल्फ डेस्क, एम्बुलेन्स लगायतको सेवाको लागिसमेत टोली खटाइएको छ ।

यस्तो छ ट्राफिक व्यवस्था
शिवरात्रिलाई लक्षित गर्दै महानगरीय ट्राफिक महाशाखाले १० वटा रुटमा पूर्ण रुपमा सवारी साधन सञ्चालनमा रोक लगाएको छ। रोक लगाएका स्थानहरुमा चावहिलबाट गौशाला तर्फ, पुरानो बानेश्वरबाट गौशाला तर्फ, ज्ञानेश्वर मैतीदेवी मोडबाट रातोपुल हुँदै गौशाला तर्फ त्यस्तै सिफल चौरबाट जगबागेश्वरी तर्फ, लामापोखरी कुटुबालबाट मित्रपार्क तर्फ, गौरीघाटबाट उमाकुण्ड तथा मित्रपार्क तर्फ, तिलगंगाबाट गौशला तर्फ लागायत रहेका छन्।