Lifestyle Portal
  •   १४ माघ २०७८, शुक्रबार
morgen freeman in nepal

भगवानका कथा खोज्दै काठमाण्डौं आएका मोर्गन

२२ फाल्गुन २०७५, बुधबार १३:०२

बलिउडमा मेरा २ जना विशेष प्रिय अनि मैले पछ्याउने कलाकारहरु थिए, छन् । रबिन विलियम्स अनि मोर्गन फ्रम्यान, तर जब केहि वर्षअघि रबिन विलियम्सको ओखती ओभरडोजको कारणले मृत्यू भयो, तब म भित्रभित्रै सात समुन्द्रपारी नेपालमा सोचमग्न अनि पिल्सीरहेको थिएँ । विश्वलाई हसाँउने, आदर्श अनि कविताको विषयमा म जन्मनु पनि लगभग आधा दशक अगावैको चलचित्र द डेड पोइट्स सोसाइटीमा कविताको महत्व दर्शाउन उत्तिकै जीवन्त पात्र, गुडविल हन्टीगंका प्राध्यापक रबिन भित्रभित्रै आँफैं खुशीका लागि ओखतीको सहारामा रहेछन् । रबिनको मृत्यूले मलाई सारा विश्वनै बेखुशी छ भनें झैं बनायो । म आज त्यता जान चाहिन, मेरा अर्का प्रिय कलाकार मोर्गन फ्रिम्यान तर्फ केन्द्रित हुन चाहेँ, मीलीयन डलर बेबी देखि द शशांक्स रिडेम्शन जस्ता विश्वले शदियौंसम्म नभुल्ने कालजयी चलचित्रका कालजयी अभिनेता, मोर्गन फ्रिम्यान । म यिनलाई हलिउडका अमिताभ बच्चनसंग पनि तुलना गर्न पुग्छु कारण हो दुबैको सामान्य उपस्थिती, असामान्य अभिनय, अभिव्यक्ति अनि दरो आवाज । मोर्गनका दरिला पात्रहरु मध्यको एउटा चलचित्र जुन अलिक ओझेलमै पनि पर्यो, त्यो हो लुसी । लुसी चलचित्रमा मोर्गनका माध्यमवाट जीवन, अन्त र चेतनाको दरिला बिम्बहरु देखाइएको छ ।

केहि वर्षअघि विदेशमा रहँदा मैले बेनेडिक्ट कम्बरब्याचको डक्टर स्ट्रेन्ज हेर्न हलमा गएको थिएँ, साथीहरुलाई आफ्नो देशमा खिचेको चलचित्र देखाउन मन थियो । काठमाडौं पशुपतीको सिनमा त म उफ्रेर मेरो देश भन्दै आँखाभरि आँशु पार्दै कराइरहेको थिएँ । त्यस चलचित्रमा ठाँउमात्र पूर्वी गोलार्धको नेपाल थिएन तर कथा, प्लट अनि चलचित्रको क्रम र अन्त पनि कताकता गीताका कुराहरु, पुराणका पात्रहरु अनि वेदका कुराहरु संग मेल खान गए । मलाई प्रथम पटक हलिउडको पूर्वीय दर्शनसंगको साझेदारीमा यस चलचित्रले एउटा त्यान्द्रो छाड्यो ।

त्यस्तै अहिले मोर्गन फ्रिम्यान पनि एउटा टिभी सिरिजमा व्यस्त रहेछन्, द स्टोरी अफ गड अर्थात भगवानको कथा ।
यसको तेश्रो सिजनको काम र शुटका लागि मोर्गन केहि महिनाअघि काठमाण्डौ आए । मैले सामाजिक सञ्जालमा देखें, अब मेरो देश र दर्शनको हलिउडले फेरि केहि तथ्य र कुराहरु सापट लिँदैछ, म खुशी थिँए ।
अहिले यूट्यूबमा मोर्गन फ्रिम्यानको द स्टोरी अफ गडको सिजन ३ को ट्रेलर आएपछि त केहि नलेखि बस्नै सकिन ।

This is not story, this is not tale, this is a history

अब विश्व फेरि दर्शन अनि देवलोकमा फर्कदै छ शायद । मोर्गन फ्रिम्यान अब भगवानको कथा खोज्दै विश्व डुलिरहेका छन्, नेपालका कथा पनि त्यसमा समाहित छ अनि यहाँ म मख्ख छु । उनी पाप र पुण्यको हिसाब गर्न र अन्वेषण गर्न हिँडेको पनि कार्यक्रमको ट्यागलाइन्सले बताँउदछ । ढाकाको कपडामा सजिएर कुमारी घरमा मोर्गन पुगेका छन्, मन्दिर र गुम्बामा उनी प्रश्न तेरस्याँउदै बसेका छन् । काठमाण्डौका डाँडा अनि घरहरु स्पष्ट देखिएको छ, अब काठमाण्डौ भगवान र मन्दिरहरुको शहरको झल्को दिँदै विश्वव्यापी स्क्रिनमा देखिँदैछ । कुमारीको आर्शिवाद लिँदै उनी आफ्ना जिज्ञासा राख्दछन् । मोर्गन ढाकाको कपडामा देखिँदा म उनमा काठमाडौं उपत्यकाको एउटा नेवार दाईलाई देख्दछु । यसपालाको नेशनल जोग्राफीको द स्टोरी अफ गड म पक्का हेर्नेछु, ट्रेलर यहाँ हेर्न सकिनेछ ।


नेपाली पर्यटन प्रर्वधनका लागि यो सिरिजले राम्रो भूमिका निर्वाह गर्नेछ भन्ने मेरो आशा पनि छ । मोर्गनले मेरो देशलाई कसरी प्रस्तुत गर्नेछन अनि मन्दिर र भगवानको यस एतिहासिक शहरको चित्रण नेशनल जोग्राफीमा कसरी हुनेछ, म हेर्न आतुर छु ।
के मोर्गनको यस कार्यक्रमले भगवान र धर्मको पैरवी गर्दैछ त ?यूट्यूबको कमेन्टमा बिभिन्न धर्म अनुसारका कमेन्ट अनि नास्तिकहरुको केहि आरोपहरु पनि देख्न सकिन्छ ।
भगवानका कथा सुन्न र हेर्न हामी इच्छुक छौं ।

सुयोग ढकाल
लाईभमाण्डु

प्रतिक्रिया दिनुहोस !
Loading comments...
सम्बन्धित खबरहरु

कामाडौं । नगर विकास कोषले उत्कृष्ट सेवाग्राहीलाई पुरस्कृत गर्ने भएको छ । कोषले एक सूचना प्रकाशित गदै आफ्नो ३४ औ

भारतको ७३ औं गणतन्त्र दिवसको अवसरमा भारतीय राजदूतावासको रक्षा प्रभागले ‘स्वतन्त्रताको अमृत महोत्सव – Azadi ka Amrit Mahotsav’ अन्तर्गतको कार्यक्रमको

भारतीय राजदूतावास, काठमाडौंले मिति २०७८ पौष २६ गतेका दिन होटल र्‍याडिसनमा विश्व हिन्दी दिवसको आयोजना गर्यो । सन् १९७५ जनवरी

नेपाल विश्वकर्मा सेवा समितिको ५औँ राष्ट्रिय सम्मेलन सप्तरीमा सम्पन्न भएको छ। कार्यक्रममा लोहार जातीको इतिहास, सामाजिक उत्पिडन र लोहार जातिको