चाइनाले पाकिस्तानमा गरेको लगानीमा अमेरिका किन रुष्ट ?

राष्ट्रपती ट्रम्पले आफ्नो सन् २०१९ को शुरुवातमा नै पाकिस्तानको लागि अमेरिकी सहयोग कटौती गरिदिए । बिभिन्न बिष्लेषणहरुमा अमेरिकाले पाकिस्तानी सैनिकमा आफ्नो अनुपस्थितीको आभाष गराउन यसो गराएको पनि टीकाटीप्पणीमा आए । तर यर्थाथ त के रहेछ भनें पाकिस्तानले यसअघि नै आफ्नो दातृ राष्ट्रको विकल्प चुनिसकेको थियो । जनवरी महिनाकै तेश्रो सातामा पाकिस्तानी हवाईसेनाको स्तरउन्नतीका लागि भवन, जेटहरुको बिकास र परिमार्जनका लागि पाकिस्तानले चीनसंग गोप्य प्रस्तावना दिएर कार्य गरेको अलजजिराले लेखेको छ ।

चीनको बेल्ट र रोड इनीसिएटीभको एउटा पाटोको स्वरुपमा पाकिस्तानसंग सैन्य गठबन्धनको सहकार्य गरेको उतिबेलै यस गठबन्धनलाई निकट रुपमा हेरेको न्यूयोर्क टाइम्सले लेखेको थियो । बिआरआई अन्तर्गत चीनले एक ट्रिलीयन डलर बिभिन्न ७० देशहरुमा लगानी गर्ने योजना रहेको पाइन्छ यद्धपी यि लगानीका स्वरुपहरु फरक फरक हुन सक्छ । चीनीँया पक्षले बिआरआई लाई शुद्धरुपमा अर्थतन्त्र बढोत्तरीको वैदेशिक परियोजना रहेको बताँउदै आएका छन् । तथापी पाकिस्तानसंगको समबन्धमा चीनको बिआरआई अर्थतन्त्रबाट सैन्य सहयोगमा पुगेको प्रष्ट देखिन्छ ।

बिआरआईको शुरुवाती दिनहरु सन् २०१३ बाटै पाकिस्तानलाई चीनले बिभिन्न सहयोग र समर्थन गरेको देखिन्छ । चीन पाकिस्तान ईकोनोमीक कोरिडर अन्तर्गत चीन र पाकिस्तान समबन्ध बढोत्तरीमा चीनले उतिबेलै पाकिस्तानलाई ६२ बिलियन अमेरिकी डलर दिएको देखिन्छ । अमेरिकी पक्षलाई चीन पाकिस्तानको यो समबन्धको गहिराईले निकै रुष्ट बनाएको देखिन्छ, केहि पाकिस्तानी अधिकारीहरु नै चीनसंगको सहयोग लाई लिएर अहिले पाकिस्तानको सार्वभौमिक्तामाथि नै प्रश्न गर्न थालेको पनि अलजजिराले लेखेको छ ।