प्रधानमन्त्रीको अगाडी भाषण गर्दै यसो भने सीके राउतले

सरकार र र स्वतन्त्र मधेश गठबन्धनका संयोजक सीके राउतबीच ११ बुँदे सहमति भएको छ । सहमतिसँगै अब सरकारले राउतलाई लोकतान्त्रिक दलको मान्यता दिएको छ भने सीकेले छुट्टै मधेसको अभियान छाड्नेछन् ।

प्रधानमन्त्री केपी शर्मा ओलीको उपस्थितिमा गृहमन्त्री रामबहादुर थापा ‘बादल’ र राउतले ११ बुँदे सहमति पत्रमा हस्ताक्षर गरे ।सहमतिको पहिलो बुँदामा मुलुकको अखण्डता स्वीकार गरेका छन् भने सरकारले गठबन्धनका कार्यकर्ताहरुमाथि लागेको मुद्दा फिर्ता लिने, घाइतेको उपचार सरकारले गर्ने, मृतक एकजनाको परिवारलाई सरकारले उचित क्षतिपूर्ति र रोजगारी दिने लगायत उल्लेख छ।

सहमतिपत्रमा हस्ताक्षर गरेपछि उनले केहिबेर मन्तव्य राखेका थिए ।

मन्तव्यको क्रममा उनले भने, ‘हामी बुद्धका सन्तान हौं । हिंसात्मक आन्दोलन गर्न सजिलो छ । आफैं पिटाइ खाएर बस्न चाहिँ गाह्रो हुन्छ । हामीलाई जति दमन गरेपनि हामी हिंसात्मक भएनौं । शान्तिपूर्ण रुपमै अवतरण हुँदैछौं । सबै धन्यवादका पत्र हुनुहुन्छ । साथै उनले यो सहमतिले सरकार र जनता सबैको जित भएको बताए । उनले थपे राज्य पक्षले जनतामा निहित रहेको सम्प्रभूतालाई स्वीकार गर्दै हामीलाई राजनीतिक स्पेश प्रदान गर्नुुभएको छ । जनता नै सर्वोपरी हो । यो राज्यको पनि जीत हो । जनताको पनि जित हो । कसैले पनि अनर्थ नलगाउन अनुरोध गर्दछु । हामीले हिंसात्मक आन्दोलन गरेर समय खेर फाल्ने बेला होइन ।’

उनले सरकार र आफ्नो संगठनबीच भएको सहमति ऐतिहासिक सहमतीको संज्ञा दिए ।

यो पनि पढ्नुहोस् 

• सिके राउत नेकपामा प्रवेश गर्लान त ? यस्तो छ आजको तयारी
• सर्वोच्चले दियो सीके राउतलाई छाड्न आदेश
• यस्ता थिए सिके राउतका विखण्डनकारी ८ नारा