मिथिलाको महाकुम्भ माध्यमिकी परिक्रमा ५औं दिन आज किशोरी जि र मिथिलाबिहारीको डोला सहित साधु सन्त, महन्त सहितको श्रद्धालु र परिक्रमाबासीहरु महोत्तरी जिल्लाको जलेश्वर पुग्दैछन । त्रेता युगमा राजा जनक द्वारा स्थापना गरिएको जलमा बिराजमान जलेश्वरनाथको पुजा आराधना गरि आज विश्राम गर्छन ।

यो पनि पढ्नुहोस् : मिथिला परिक्रमा , जिवीत त्रेतायूग

यी परिक्रमा मध्ये बृहत परिक्रमा चाँही वास्तवमै बृहत छ, यस परिक्रमाले समग्र मिथिला प्रदेशको परिक्रमा गर्दछ र लगभग २६८ किमी लामो हुन्छ । कौशी नदिको किनारबाट यस परिक्रमा सुरु हुन्छ, त्यसपछि सिंहेश्वरस्थानमा पुग्दछ जुन भारतको सहर्सा जिल्लामा पर्दछ । त्यसपश्चात सिमरिया घाट हुँदै पर्वतश्रेणी अनि पुन आएर सिंहेश्वरस्थानमा यस परिक्रमा विसर्जन गरिन्छ ।

बृहत परिक्रमामा भाग लिन नसकेकाहरुका लागि मिथिला महात्मा परिक्रमा हुने गर्दछ । यसलाई मध्यम परिक्रमा पनि भनिन्छ । यस परिक्रमा लगभग ४० कोश अर्थात् १२८ किमी जति हुन्छ । सक्नेहरुले ५ दिनसम्म पनि यस परिक्रमा सकाएका कथाहरु छन् तथापि सबैको ल्याकत र शक्तिलाई ध्यानमा राखेर अहिले १५ दिनको परिक्रमा बनाइएको पाइन्छ । फाल्गुन औंशीमा सुरु हुने यस परिक्रमा पूर्णिमाको दिन समापन हुन्छ । जनकपुर नगरी आसपासका ठाउँहरुमा यस परिक्रमा गरिन्छ र यस परिक्रमालाई अन्तगृह परिक्रमा पनि भनिन्छ । १५ दिनको परिक्रमामा भक्तजनको वासका लागि १५ वटा पावन ठाँउहरु निर्धारण गरिएको हुन्छ र यिनै ठाँउमा तोकिएका दिन भक्तालुहरु वास बस्न पुग्दछन् ।

यो पनि पढ्नुहोस् :

• सीतारामको प्रेमकथा
• सीताराम र नयाँ अयोध्याको परिकल्पना