शरीरको दुर्गन्ध हटाउने यस्ता छन् घरेलु उपाय

अब गर्मि महिना सुरु हुदै छ, गर्मियाममा मानिसको शरिरवाट पसिना आउनु स्वभाबिक प्रक्रिया हो । पसिना आउने समस्या प्रायः सबैलाई हुन्छ । जसको कारण काखी र खुट्टा गन्हाउने समस्याले सताइरहेको हुन्छ । यस समस्याले धेरै ठाउँमा तपाईलाई लज्जित बन्नु परेको हुनसक्छ ।

दैनिक नुहाई धुवाई गरेर कपडा फेर्दा पनि पसिनाको दुर्गन्धले सताइरहेकै हुन्छ । सामान्यरुपमा आउने पसिनाले शरीरमा छाड्ने दुर्गन्ध हटाउन अत्तर अर्थात् पफ्र्युम लगाउदा पनि दुर्गन्ध हटाउन सकिरहेको हुँदैन ।

१. पुदिनाको पातलाई उमालेर त्यसलाई छानेर नुहाउने पानीमा मिसाएर प्रयोग गर्ने ।
२. नुहाउने पानीमा केहि थोपा गुलाबजल मिसाएर नुहाउने ।
३. बेसनलाई दही मिसाएर बनेको पेस्टलाई नुहाउनुभन्दा अघि शरीरमा लगाउने र १० मिनेटपछि त्यसलाई पखाल्ने ।
४. कागति काटेर काखीमुनी दल्ने ।
५. निमको पातलाई पानीमा उमालेर पानीलाई छान्ने र त्यसपछि नुहाउने बेलामा अरु पानीमा त्यसलाई मिसाएर नुहाउने ।
६. नुहाउनासाथ पानीमा एक चम्चामा मह मिलाएर काखीमुनि सफा गर्ने ।