माइकल ज्याक्शनकी महिला सहयोगीको वयान

बाल यौन दुराचारमा निकै लामो समयदेखि मुछिएका विश्वप्रसिद्ध गायक माइकल ज्याक्शनको मृत्यु भएकै एक दशक भइसक्यो । बाल्यकालदेखि नै बुवाको हिंसा र प्रताडनामा परेको भनिएका यि विश्वप्रसिद्ध पपस्टार जस्ता न पहिले थिए न त अब आउनेछन् । बाल्यकालका गीत देखि मुनवाकको विश्व सिलसिलागत नृत्यसम्म माइकल ज्याक्शनका देन हुन् । तथापि जीवनकालमा यिनले गरेका यौनदुराचार र नेभरल्याण्ड नामक ६७ मिलियन अमेरिकी डलर मुल्यको एउटा शहर नै किनेर बालबालिकाका लागि यिनले पार्क बनाएको र त्यहाँ भएका बालयौनदुराचारका कुराहरु अहिले क्रमश उत्खनन र सार्वजनिक भइरहेका छन् ।

भर्खरै नेभरल्याण्डको वृतचित्र पनि सार्वजनिक गरिएको थियो र माइकलकी उतिवेलाकी सहयोगी कामदार जस्ले ४ वर्षसम्म उनको बेडरुम र व्यक्तिगत कुराहरुको ख्याल गरिन, तिनको अन्र्तवार्ताले विश्वलाई नै चकित बनाएको छ । एड्रियन मेकमेनस नामक यि ५६ वर्षकी महिलाले सन् १९९० देखि १९९४ सम्म ज्याक्शनको निजी परिचारीका भएर काम गरिन् । यिनका अनुसार ज्याक्शनले आफूलाई निकै सराहना गर्ने गर्दथे । तथापि ज्याक्शनले चाहेर पनि आफ्नो बालयौन दुराचारको कुराहरु यिनीसंग लुकाउन सकेनन । एकफेर मेकमेनसलाई ज्याक्शनले आमा लिवसमा फोन गरेर तिमीलाई सबै कुरा थाहा छ हैन भनेंर भन्दा आफू डराएको पनि यिनी बताँउदछिन् । अक्शर माइकलको कोठा सफा गर्दा निकै घिनलाग्दा र अस्वभाविक कुराहरु घेटेको यिनले डेलीमेललाई बताइन् । कोठाबाट र नुहाउने ठाँउ ज्याकुजीबाट केटाकेटीको भित्रि बस्त्रहरु निकाल्दा आफूलाई घिन लागेको र नेभरल्याण्डमा बस्ने केटाकेटीहरु लगभग नग्न झैं हिँड्ने अचम्मको चलन पनि यिनले बताइन् । माइकलको ओच्छ्यान छेउबाट भ्यासिलीन लगायत कुराहरु भेटेको र माइकल केटाकेटीहरुको नग्न तस्बीर भेलापार्न विशेष रुची रहेको मान्छे भएको बताइन ।

सन् १९९० ताका माइकलले खिचेका केटाकेटीहरुसंगको दृश्य भएको भिसिआर चक्काहरु पनि माइकलको बाल यौन दुराचारी बानीको सवुत रहेको यिनी बताँउछिन् । बालबालीकाहरुसंग वयस्क माइकलको त्यस्तो व्यबहारका दृश्यहरु देख्दा म अचम्म हुन्थें तथापि माइकल आफ्नो बोस भएकाले मैले यी कुराहरु अघि ल्याइन । माइकलका राम्रा पाटा हरु पनि उत्तिकै छन् र यो बालयौन उत्तेजनाको पाटो चाँही माइकलको नराम्रो पाटो हो, उनी थप्दछिन् । माइकलले प्रहरीबाट सवुतहरु लुकाउन आफ्नो चलचित्र देखाउने थियटरमा नेभरल्याण्डका भिडियो र अन्य प्रमाणहरु लुकाएको उनी बताँउदछिन् । माइकल लागुऔषध सेवन गर्दथे, मेकमेनस संझना गर्दछिन् । एकफेर माइकलले आफूलाई बेडरुममा सजाउनका लागि भनेंर केहि तस्विरहरु लेमीनेशन गर्न पठाएको र ति सबै तस्विरहरु बालकहरुको रहेको उनी बताँउदछिन् ।

सन् २००३ मा एकजना क्यान्सर पिडित बालक ग्याभिन अर्भिजोको आरोप र मुद्धामा माइकललाई किटानीजाहेरी दिएपछि माइकल २००४ को अगस्तबाट अदालती प्रक्रियामा हाजिर हुन थालेका थिए । माइकल केहि समय पक्राउमा पनि परे र अन्तत लागुऔषधको ओभरडोजका कारण सन् २००९ मा यिनको मृत्यु भयो ।

लाइभमाण्डु