७ दशमलव ५ बिलियन अमेरिकी डलर दान गर्ने भारतीय


भारतका अरबपतीको एतिहासिक दानको समाचार अहिले विश्वमा निकै चर्चामा छ । भारतीय कग्लोमरेट विप्रो भन्ने कम्पनीका मालिक अजिज प्रेमजीले कम्पनीको कूल शेयरको ३५ प्रतिशत बरावरको ७ दशमलव ५ बिलियन डलर दान गरिदिएका छन् । सामाजिक कार्यमा यिनले गरेको यो दान भारतको अहिलेसम्मकै सबैभन्दा ठूलो दान हो । यसअर्थमा सम्भवत विश्वमै सर्वाधिक ठूलो गैर नाफा मुलक क्षेत्रमा नाफा मुलक क्षेत्रले गरेको यो दान हो ।

यसका साथै अजिजले अहिलेसम्म गरेको दान २१ बिलियन डलर हुन जान्छ जुन यिनको कम्पनीको कूल शेयरको ६७ प्रतिशत हो ।
अजिजको फाउण्डेशन छ , अजिज प्रेमजी फाउण्डेशनले १५० भन्दा धेरै गैर नाफामुलक संस्थालाई सहयोग गर्दछ र लाखौंको संख्यामा सिमान्तकृत समूदायका भारतिय बालबालीका र युवालाई शिक्षाको पहूँचमा पुर्याउन साथ दिएको छ ।

यस्तै अजिज प्रेमजी यूनिभर्सिटीमा निःशुल्क शिक्षा र छात्रवृतिका मनग्यै अवसरहरु पनि रहेको बताइन्छ । बैंगलुरुको यस यूनिभर्सिटीमा अहिले मात्रै ५०० बिधार्थी र ४०० फ्याकल्टी रहेका छन्, यसवर्षबाट यसको क्षमता तिन गुणाले बढाउने लक्ष्य रहेको समाचार छ । ७३ वर्षिय बैंगलुरुमा आधारित यि व्यबसायी भारतका दोश्रा धनी व्यक्ति हुन जो ब्लुमवर्गको अरबपतीको विश्वसूचीमा ५१ औं नम्बरमा पर्दछन् ।

लाइभमाण्डु


Loading comments...