बाल्टिमोर एसोसिएसन अफ नेप्लिज इन अमेरिका (बाना)मा औपचारिक रुपमा सुबोध विलास पन्तले अध्यक्ष पदको जिम्मेबारी लिएका छन् । उनी लगायत उनका नवनिर्वाचित समितिले सपथ ग्रहण लिनुको साथै अघिल्लो समितिले पद हस्तान्तरण समेत गरेको छ ।

उक्त कार्यक्रमको सभापतित्व अनु श्रेष्ठ वन्तले गरेकी थिइन् । उनले अन्तिम मन्तब्य राख्दै आफ्नो कार्यकालमा सहयोग गर्ने सबैलाई धन्यवाद दिइन ।

कार्यक्रमका प्रमुख अतिथि महाबाणिज्य दूत प्रेमराजा महत रहेका थिए । सबै बिजयी पदाधिकारीहरूलाई बधाई दिएका थिए ।

कार्यक्रममा महाबाणिज्य दूत महतले भवनको सहयोगार्थ पाँच हजार डलर तथा अनु श्रेष्ठ वन्तले दश हजार डलरको सहयोग गर्ने घोषणा गरेका छन् ।

उक्त सपथ ग्रहण तथा पद हस्तान्तरण कार्यक्रममा सम्मान कार्यक्रममा पनि गरिएको थियो । जसमध्ये गिनिज वर्ल्ड रेकर्ड कीर्तिमानी उज्ज्वल ठकूरीलाई पनि सम्मान गरिएको थिए ।

अध्यक्षको मन्तब्यको क्रममा पन्तले निर्बिरोध रुपमा बिजयी गराउन सहयोग गर्ने सबैलाई बिशेष धन्यबाद दिए । साथै आफूले गरेका प्रतिबद्धताहरु कार्यन्वयन गर्ने बचन बद्धता गरे । बानाको समुदायमा जुन छबि छ त्यसलाई ३ वर्षको कार्यकालमा अझ उच्च छबिमा पुर्याउने अठोट गरे ।

बानाका सबै पदमा निर्बिरोध भएको हो भने सबै वर्गलाई समेटिएको कार्यकारी समितिमा पुरुष तथा महिलाहरुको प्रतिनिधित्व रहेको छ ।

बाना नया कार्यकारी समितिमा अध्यक्षमा सुबोध विलास पन्त ,वरिष्ठ उपाध्यक्षमा हिरा लाल गुरुङ,उपाध्यक्षमा गणेश लामिछाने ,महा सचिवमा किरण ढकाल,सचिवमा अरुण श्रेष्ठ तथा कोषाध्यक्षमा भीमबहादुर खत्री निर्वाचित भएका छन् ।

सदस्यता निर्देशकमा हीराबहादुर खत्री तथा सूचना निर्देशकमा सुशान मानन्धर निर्वाचित भएका छन् । सदस्यहरुमा अनिल गोदार, सागर कुँवर, बलराम पौडेल, पार्वती सिंह (रिचा), यमुना घिमिरे, आवीष आर वन्त तथा ज्ञानेद्र गहतराज निर्वाचित भएका छन् ।

अध्यक्ष पन्त नेपालमा लम्जुङ्ग राईनास नगरपालिका घर भै हाल बाल्टिमोर मै बसोबास गर्ने अमेरिका प्रवेस गरेकै दिन वानाको साधारण सदस्यता लिएका थिए ।

१३–१५ को कार्यसमिति सदस्य, १५–१७ को सदस्य वृद्धि निर्देशक तथा १७–१९ का वरिष्ठ उपाध्यक्ष सुबोध पन्तले अन्तत्वगत्वा अध्यक्ष पदको नेतृत्व लिएका छन् । उनी माथि थप जिम्मेबार बढेको छ ।

सन् २००५ मा स्थापित बाल्टिमोरको छाता संगठन (बाना)को रुपमा रहेको बानाले स्थापना कालपछि प्रजातान्त्रिक पद्धति अंगाल्दै निरन्तर प्रतिस्प्रद्धात्मक निर्वाचन झेल्दै आएता पनि १४ वर्षपछि सबै पद निर्बिरोध हुन् पुग्नुले अमेरिकाका सबै नेपाली समुदायलाई राम्रो संदेश दिन सफल भएको छ ।

अमेरिका कै अत्यधिक सकृय सामाजिक संस्था मध्ये कै एक तथा आफ्नै सामुदायिक भवन समेत रहेको गैर मुनाफा सामाजिक संस्था बानामा यसरी जन घनत्व दिनहु दिन वृद्धि हुदै गएता पनि निर्वाचनमा निर्बिरोध हुन सक्नुले अझ यस संस्थाको छवि र गरिमा बढेको छ ।

संस्थाका संस्थापकहरू, मार्गदर्शक, संस्थाका मेरुदण्ड पूर्व अध्यक्षहरू, वर्तमान अध्यक्ष , पूर्वपदाधिकारीहरूले अभिभावककीय भूमिका निर्वाह गरेपछि यसरी निर्विरोधको प्रतिफल आएको हो ।

बानामा करीव ५ सय जति आजीवन सदस्य तथा करीव १ हजार मतदाताहरु रहेका छन । -रिपब्लिका दैनिकबाट