Lifestyle Portal
  •   २७ बैशाख २०७८, सोमबार

बोइंग ७३७ को अमेरिकामा आकस्मिक अवतरण

१३ चैत्र २०७५, बुधबार ०८:५२

साउथवेस्ट एयरलाइन्सको बोइंग ७३७ ले अमेरिकामा आकस्मिक अवतरण गरेको छ । ओरल्याण्डोमा उडेको केहि समयमानै प्राविधिक गडबडी देखिएपछि जहाजलाई फेरि हवाइफिल्डमा उतारियो । अमेरिकी संघीय प्रशासन बिभागले जानकारी दिएको छ ।

विश्वभरि बोइंग ७३७ म्याक्स ८ ग्राउण्डेड हुँदा अमेरिकमा भनें निर्धक्क उक्त मोडल चलाइरहेको पाइन्छ, अमेरिकी बोइंग कम्पनी अमेरिका र विश्वभरिनै निकै प्रभावशाली कम्पनी हो । स्वदेशी उत्पादन अनि बोइंग ७३७ को सुरक्षा सबुतका लागि भएपनि अमेरिकामा यो मोडल उडाइरहेको भएतापनि ओरल्याण्डोको यो घटनाले यस मोडलमा अमेरिकामै पनि प्रश्न उठाएको छ । हुन त मार्च १३ पछि अमेरिकामा पनि यस मोडल उडाउन बन्द गरिएको बताइन्छ तथापी ब्यबहारीक रुपमा यस मोडल कहिँ कतै उडाईनै रहेको पाइन्थ्यो । केहि एयरलाइन्सले प्सासेन्जर बिनाका शटल र कार्गो सेवाका लागि जहाजलाई प्रयोग गर्ने तयारी गरिनै रहेको बताइन्छ ।

संघीय उड्ययन सुरक्षा समितीले भनें ओरल्याण्डोको जहाज एमक्यास सिस्टमको खराबीका कारणले अवतरण गराउनु परेको नभई अन्य कारण भएको बताएका छन् । यस अघिका लाइन्स एयर र इण्डोनेशीयन एयरका दुर्घटनामा एमक्यास सिस्टमलाई जिम्मेवार मानिएको छ । साउथवेस्ट एयरलाइन्सले उक्त जहाजलाई मेन्टिनेन्सका लागि लिएर जान आँटिएको पनि बताएको छ र पाइलटले पर्फोमेन्स इस्यू भन्दै जहाजलाई फेरि एयरपोर्ट फर्काएका हुन् । जहाज फर्केर अवतरण गर्दा एयरपोर्टका ३ वटा धावनमार्ग खाली गरिएको र आवश्यक सम्पूर्ण उद्धार संरचना तयार गरिएको बताइन्छ । जहाज यसरी आकस्मिक झर्दा जहाजका केहि पूर्जाहरु झर्ला या खस्ला भन्ने आशंका पनि थियो भनी एयरपोर्टकी प्रवक्ता क्यारोनल फेनेलले अलजजिरालाई बताएकी छिन् ।

जहाजलाई खास्मा जाँच या मर्मतका लागि उडाइएको थियो या यात्रुसहित रुटिन उडानमा उडेको थियो भन्ने बिषयमा चाँही समाचारमा खासै खुलाइएको छैन । तथापी कसैलाई पनि केहि नभएको भनें स्पष्ट पारिएको छ ।४७०० वटा बोइंग ७३७ म्याक्स ८ को अर्डर भएपनि संसारभरि यस मोडलका केवल ३७० जहाज वितरण गरिएको र आकाशमा उडिरहेको पाइन्छ । इथोपियन एयरलाइन्सको दुर्घटनापछि यस मोडलका जहाज अब अमेरिकाका आकाशमा केहि बाहेक अन्य खासै देखिँदैन । सम्पूर्ण बोइंग ७३७ म्याक्स ८ ह्यागंर भित्र छन् ।

लाइभमाण्डु

प्रतिक्रिया दिनुहोस !
Loading comments...
सम्बन्धित खबरहरु

काठमाडाैं। संसद्को विशेष अधिवेशनअघि स्वाब संकलन गरिएका १२ सय ३५ मध्ये १६० जनामा कोरोना भाइरस (कोभिड-१९) संक्रमण पुष्टि भएको छ।

बुद्धले एकजना व्यक्तिलाई सोधे— तिम्रो उमेर कति पुग्यो ? साठी वर्ष । होइन । ती व्यक्तिले फेरि भने— भगवान् !

काठमाडौं। अमेरिकी सरकारले दिने डाइभर्सिटी भिसा (डिभी) चिठ्ठाको नतिजा आएको छ । नेपालस्थित अमेरिकी दूतावासले ट्वीटरमार्फत एक सूचना जारी डिभीको

काठमाडौं । प्रमुख प्रतिपक्ष दल नेपाली कांग्रेसले अक्सिजन अभावको गम्भीर समस्यालाई तत्काल सम्बोधन गर्न सरकारसँग माग गरेको छ । नेपाली