Lifestyle Portal
  •   १० श्रावण २०७८, आईतवार

एसईई प्रश्नपत्र सार्वजनिक भएबारे शिक्षा बिज्ञान तथा प्रविधि मन्त्री गिरिराजमणि पोखरेलको पत्रकार सम्मेलन: LIVE

१५ चैत्र २०७५, शुक्रबार २०:००

SEE परिक्षाको प्रश्नपत्र सार्वजनिक भएको सन्दर्भमा शिक्षा, बिज्ञान तथा प्रविधि मन्त्री गिरिराजमणि पोखरेलको पत्रकार सम्मेलन ।


भिडियो श्रोतः बरिष्ठ पत्रकार सबिन धमला

मन्त्रालयद्वारा जारी विज्ञप्ति अक्षरसः
२०७५ साल चैत्र १९ गतेदेखि सञ्चालन भइरहेको यस वर्षको माध्यमिक शिक्षा परीक्षा (एसईई) अन्तर्गतको चैत्र १४ गते प्रदेश नं २ अन्तर्गतका परीषा केन्द्रहरुमा सञ्चालन भएको अनिवार्य विज्ञान विषयको परीक्षाको प्रश्नपत्र परीक्षा अगावै बाहिरिएकाले सो विषयको प्रदेश नं २ अन्तर्गतका परीक्षा केन्द्रमा सञ्चालित परीक्षा रद्द गरी यही चैत्र २२ गते सञ्चालन गर्नेगरी राष्ट्रिय परीक्षा बोर्डबाट निर्णय भएको सर्वविदितै छ । त्यसै गरी सोही प्रदेश अन्तर्गत चैत्र १५ मा सञ्चालन हुने अनिवार्य सामाजिक अध्ययन विषयको प्रश्नपत्र पनि परीक्षा अगावै बाहिरिएको पाइएकोले सो परीक्षा स्थगित गरिएको सूचना समेत प्रकाशित भईसकेको छ । परीक्षाको प्रश्नपत्र बाहिरिएर परीक्षाको तयारी गरिरहेका विद्यार्थीहरुलाई परेको गम्भीर असरप्रति यस मन्त्रालय दुःख व्यक्त गर्दछ ।

यस सम्बन्धमा छानबिन गरी सत्य तथ्य पत्ता लगाई दोषी उपर कारवाहीको प्रक्रिया अघि बढाउन राष्ट्रिय परीक्षा बोर्डबाट छानबिन समिति गठन गरी आवश्यक अनुसन्धान प्रक्रिया प्रारम्भ गरिसकिएको छ । यसै गरी शिक्षा, विज्ञान तथा प्रविधि मन्त्रालयको अनुरोधमा गृह मन्त्रालयको निर्देशनबमोजिम केन्द्रिय अनुसन्धान ब्यूरोबाट अनुसन्धान टोली खटाईसकिएको छ । शिक्षा, विज्ञान तथा प्रविधि मन्त्रीज्यूको अध्यक्षतामा माध्यमिक शिक्षा परीक्षा (कक्षा १०) सञ्चतालन तथा व्यवस्थापन उच्चस्तरीय सुरक्षा समितिको आकस्मिक बैठक बसी उत्पन्न परिस्थितिको बारेमा छलफल भई बाँकी बिषयका परीक्षाका प्रश्नपत्रहरुका सम्बन्धमा सुरक्षा सतर्कता अपनाउन सबै जिल्ला परीक्षा समन्वय समितिहरुलाई निर्देशन दिईएको छ ।

परीक्षा रद्द र स्थगनबाट विद्यार्थीहरुलाई पर्न गएको असुविधाप्रति अभिभभावक, विद्यार्थी लगथायत सम्पूर्ण सरोकारवालाहरुले चाँसो व्यक्त गर्नु स्वभाविकै हो । सुरक्षित वातावरणमा विद्यार्थीले परीक्षा दिन पाउने अधिकारको संरक्षण गर्न सरकार प्रतिबद्ध छ । तसर्थ, आगामी दिनको परीक्षा तयारीमा जुटिराख्न सम्पूर्ण परीक्षार्थीहरुमा हार्दिक अनुरोध गर्दछु । प्रदेश सरकार, स्थानीय तह, अभिभावक, विद्यार्थी संगठन, शिक्षाप्रेमी, शिक्षक समुदाय सबैलाई थप संवेदनशिल भई विद्यार्थीको परीक्षा तयारी र सञ्चालनमा सहजीकरण गर्न अपिल गर्दछु ।

शिक्षा, विज्ञान तथा प्रविधि मन्त्रालयका सचिव खगराज बरालद्वारा प्रेसित प्रेस वक्तव्यमा उल्लेख गरीएको छ ।

प्रतिक्रिया दिनुहोस !
Loading comments...
सम्बन्धित खबरहरु

राष्ट्रिय एकता अभियानले काठमाडौंमा जनता समाजवादी पार्टी नेपाल (जसपा) का सङ्घीय परिषद् अध्यक्ष तथा पूर्व प्रधानमन्त्री डा. बाबुराम भट्टराईविरुद्ध प्रदर्शन

राष्ट्रिय एकता अभियानले जनता समाजवादी पार्टीका अध्यक्ष तथा पूर्व प्रधानमन्त्री डा. बाबुराम भट्टराईविरुद्ध प्रदर्शन गरेको छ। हिन्दुत्वविरोधी घृणा फैलाउने कार्य

भारतले नेपालसँग कोभिड–१९ सहकार्यका लागि गरेको प्रतिबद्घता अनुरुप नेपालका लागि भारतीय राजदूत महामहिम विनय मोहन क्वात्राले माननीय कानून, न्याय तथा

काठमाडौँ– नेपालका लागि चिनियाँ राजदूत होउ यान्छीले माओवादी केन्द्रका अध्यक्ष पुष्पकमल दाहाल ‘प्रचण्ड’ र एमाले वरिष्ठ नेता माधव कुमार नेपालसँग