३६ वर्षअघि मारिएका इज्रेली सैनिकको कथा

इज्रेलले भर्खरै आफ्नो ३६ वर्षअसघ लेवनान यूद्धमा मारिएका सैनिकको शरीरको बचेकुचेका भागहरु आफूले पाएको घोषणा गरेको छ । इज्रेली सुरक्षा र सम्मानका लागि यो अत्यन्त संवेदनशील कुरा हो । इज्रेली सैन्य प्रवक्ता जोनाथन कन्सीरसका अनुसार सरजेन्ट फस्र्ट क्लास ज्याचरी बाउमेलको शरीरका अशं पाएको बताएका छन्, उनी सन् १९८२ मा व्याटल अफ सुल्तान याकुव नामक यूद्ध अपरेशनका क्रममा मारिएका हुन् ।

ईआईएआई को सामान्य फ्लाइटमा इज्रेली इन्टेलिजेन्सको समन्वयमा ज्याचरीको शरीर कहाँवाट ल्याइयो भन्ने कुरा खुलाइएको छैन् । इन्टेलीजेन्स र सैन्य सुरक्षा अनि आफ्ना नागरीक माथिको हरेक हमलाको प्रतिशोध लिन खप्पीस र सशक्त देश इज्रेलले यस पटक ३६ वर्षपछि भए पनि आफ्नो सैनिकको शरीरका बाँकी अवशेषहरु घर फर्काएको हो ।

यिनको शरीरका बाँकी भाग फिर्ता लिन ३ वर्ष लामो अपरेशन गरि इन्टेलिजेन्सले अहिले आफ्नो मिशनलाई परिणाम दिएको हो । अप्रिल ९ को इज्रेली चुनाव अनि आगामी बिहिवारको इज्रेली प्रधानमन्त्री नेतेन्याहुको रुस भ्रमण अगावै गरिएको यो घोषणाको राजनैतिक कारण धेरै भएको बताइन्छ । नेथेन्याहुले इज्रेली जनतामाझ आफ्नो पक्कड बलियो गर्दै लान र आगामी चुनावमा थप पक्कड राख्न जनताको बिश्वास जित्ने कार्यहरु झनै गर्दै आएका छन् । आगामी रुस भ्रमणलाई लिएर शायद यि सैनिकको शरीर फिर्ता ल्याउन रुसको साथ र संलग्नता पनि रहेको हुन सक्ने विष्लेषण गर्न सकिन्छ ।

यि सैनिक बाउमेल अमेरिकामा जन्म भएर इज्रेलमा वसोवास सरेका बताइन्छ, मृत्यू भएको ३६ वर्षपछि यिनको शरीर स्वदेश फर्कदैछ । यि सम्पूर्ण कुराहरुका बावजुद के नेतेन्याहुले इज्रेली प्रधानमन्त्रीको ५ औं कार्यकाल पनि कार्य गर्नेछन्, हेर्न बाँकी छ ।

लाइभमाण्डु