गाँउ शोकमा छ तर अरुका लागि यो चाडपर्व जस्तो छ

अलजजीराका लागि नेपालबाट सुबिना श्रेष्ठले लेखेको रिपोर्टको यहाँ नेपाली सस्करण प्रस्तुत गर्दै छौं । बाराको ग्रामीण गाँउ फेटाबाट उनी लेख्दछिन कि गाँउमा चम्कीला र रगंीन रिक्शाहरु अनि गाडी चालकहरुको बाक्लो उपस्थितीमा बिभिन्न राहत सामाग्रीका साथ अन्य ठाँउवाट मान्छेहरु ओइरिएका छन् । कोही केवल घुम्न मात्र आएका छन् र धेरै जसो फोटो लिन र सेल्फी खिच्न व्यस्त देखिन्छन् । एकहुल बिधार्थीहरुले आफू बिधालयको नेतृत्वमा प्राकृतिक प्रकोप बस्तो हुन्छ भनि हेर्न आएको पनि बताए ।

उता काठमाडौबाट केवल १२० किमी परको फेटा गाँउका वासिन्दाको भनें कतै जाने ठाँउ छैन । धेरैले आफ्नो घर गुमाएका छन्, धेरैजना आफ्नो घरका अनि घरभित्रका बचेका सामानहरुको पहरा दिन उभिएर बसेका छन्, ति सामान अनि घरका थुप्राहरुमा उनीहरुको सपना छरपष्ट देखिन्छ । उनीहरुलाई चित्त दुख्दछ जब अन्य मान्छेहरुले उनीहरुलाई विपत्तीमा परेको कारणले चिडियाखानामा जनावर हेर्न आएको झैं हेर्दछन् । गत आइतबार उनीहरुको सपना र चैनलाई हावा हुण्डरीले उडायो, घर, सामान, रुख अनि गाडीहरु सम्म उडाएर लडायो ।

स्थानीयका अनुसार त्यस दिन हावा गोलो गोलो परिवृतीमा चल्यो र त्यस्तो हावा र हुण्डरी उनीहरुले कहिल्यै देखेका थिएनन । हावाको गति प्रतिघन्टा ९० किमीको दरमा रहेको थियो । २ मिनट भन्दा कम समयमा ३१ जनाले ज्यान गुमाए, सैयौं घाईते भए, २४०० घर लडे जस्मा करिब ९०० घरहरु त जमिनमा भित्ताहरुका साथ सोत्तर नै भए ।

हुन त संघिय सरकारले प्रति मृतक रु ३ लाख दिने घोषणा त ग्यो तर सरकारको विपत्ती ब्यबस्थापन र राहत प्रावधानले भनें यसपाला पनि बारा पर्साका पिडीतहरुको घाउमा मल्हम लगाउन नसकेको प्रष्ट छ ।

हामी क्यामरा सित आजित भइसक्यौं, सबैले हाम्रो फोटो लिन्छन् तपाईले झैं । हाम्रो पिडा र वेदना कसैले बुझ्न सकेन सम्पूर्ण गाँउ शोकमा छ तर अरुका लागि भनें कुनै चाडपर्व झैं देखिन्छ । अधिकांश स्थानीयको तर्क यस्तो छ ।

लाइभमाण्डु