नेपालको सीमावर्ती क्षेत्रमा आँधीहुरी आउन सक्ने लखनउ मौसम केन्द्रको अनुमान, सचेत रहन आग्रह


४ अप्रिलमा सूचना जारी गर्दै भारतको पृथ्वी विज्ञान मन्त्रालयले उसको मौसम केन्द्र लखनऊलाई पत्र लेख्दै यस विषयलाई ध्यान दिन निर्देशन दिएको हो । मौसम विभागले जानकारी गराएको ति सबै जिल्लाका जिल्लाअधिकारीहरुलाई पत्राचार गर्दै सुरक्षाको उपाय अपनाउन तथा मानिसहरुलाई कम्तिमा २ दिनसम्म बाहिर निस्किंदा सचेत रहनका लागि भनिएको छ । साइक्‍लोनको असर पूर्वी यूपीको कुशीनगर, सिद्धार्थनगर तथा महाराजगञ्ज समेत यूपीका कूल २८ जिल्लामा हुनसक्छ भनिएको छ ।

सूचना अनुसार आज ७ अप्रिल अर्थात् सम्भावित साइक्लोन (आँधि) आउनसक्ने अन्तिम् दिन । भारतीय पृथ्वी विज्ञान मन्त्रालयको सूचना अनुसार उसले सचेत रहन भनेको जिल्लापारी नेपाली भूमीको लुम्बिनी क्षेत्र तथा आसपासका जिल्लाहरु पनि पर्दछन् । यस विषयमा हामीले नेपाल सरकारको Department of Hydrology and Meteorology अन्तरेगतको Meteorological Forecasting Division लाई सम्पर्क गरी यस विषयमा कुराकानी गरेका थियौं ।

मौसम बिभागले आफ्नो वेबसाइटबाट चैत्र २३ गते (शनिबार), सांझ ६:०० बजे जारी गरेको तीनदिनको मौसमबारे पूर्वानुमान ( २०७५/१२/२३ देखि २०७५/१२/२५) अनुसार २३ गते शनिबार राति: देशको अधिकांस भूभागहरुमा सामान्यतया देखि पूर्ण बदली रहनेछ । देशको पुर्वी तथा मध्य भू-भागका केहि स्थानहरुमा र पश्चिमी भु-भागका थोरै स्थानहरुमा मेघ गर्जन/चट्याङ र हुरी बतासका सहित वर्षाको संभावना रहेको छ। उच्च हिमाली भू-भागका केहि स्थानहरुमा हल्का देखि मध्यम हिमपातको संभावना देखिन्छ।

चैत्र २४ गते (आइतबार):
दिउँसोः देशभरका धेरैजसो भू-भागहरुमा आंशिक देखी सामान्य बदली रहनेछ । देशको पुर्वी तथा मध्य भू-भागका थोरै स्थानमा, पश्चिमी भु-भागका १-२ स्थानहरुमा मेघ गर्जन सहित वर्षाको संभावना देखिन्छ।

राति: देशको पूर्वी क्षेत्रको अधिकांस भूभागहरुमा सामान्य बदली तथा मध्य र पश्चिमी क्षेत्रको भू-भागहरुमा आंशिक देखि सामान्य बदली रहनेछ । देशको पुर्वी भू-भागका थोरै स्थानमा मेघ गर्जनका साथ हल्का वर्षाको संभावना देखिन्छ। पश्चिम र मध्य तराइका केहि स्थानहरुमा हुरि बतास चल्ने संभावना छ |

चैत्र २५ गते (सोमबार):
दिउँसोः देशभरका धेरैजसो भू-भागहरुमा आंशिक देखी सामान्य बदली रहनेछ । देशको पूर्वि भू-भागका थोरै स्थानमा र मध्य तथा पश्चिमका १-२ स्थानहरुमा मेघ गर्जन सहित वर्षाको संभावना देखिन्छ।

राति: देशभरका धेरैजसो भू-भागहरुमा आंशिक देखी सामान्य बदली रहनेछ । देशको पुर्वी तथा मध्य भू-भागका केहि स्थानमा र पश्चिमी पहाडी भू-भागका एक वा दुई स्थानमा मेघ गर्जनका साथ हल्का वर्षाको संभावना देखिन्छ।


Loading comments...