१ डलर वार्षिक पारिश्रमीक लिने यी अरबपतीहरु

बिश्वका सबैभन्दा धनी र चर्चित व्यक्तित्वहरुमा सिद्धहस्त कम्पनीका सिईओहरु पर्दछन् । यस्ता चर्चित अनि सफल सिईओहरु निकै धनी त छन् तर उनीहरुको वार्षिक पारिश्रमीक भनें अपत्यारिलो छ । पत्याउनुहुन्छ कि उनीहरु केवल रु ११२ को हाराहारीमा अर्थात १ डलर प्रतिवर्षको तलब लिन्छन् भनेंर ?

सिलिकन भ्यालीका कैयन बिश्वप्रसिद्ध कम्पनीहरुका सिईओहरु प्रतिष्ठाको शिखरमा छन् र उनीहरुमध्य धेरैको वार्षिक तलब केवल १ डलर रहेको छ । तर उनीहरु आफ्नो रकम तलबका बाहेक बिभिन्न दैनिक भत्ता र अन्य स्वरुपमा उनीहरुले रकम लिने गर्दछन् । अमेरिकन वेबसाइट मोट्ले फुलका अनुसार अरबौं डलरको सम्पती मुल्याकंन भएका यि सिईओहरु कम्पनीमा आफ्नो उत्पादकत्वका आधारमा मात्र पैसा लिने गर्दछन् ।

स्नाप च्याटका मालिक र सिईओ ईभान स्पेगलले सन् २०१७ मा केवल एक डलरको पे चेक लिएका थिए र त्यसपछि कम्पनीको आईपीओ निकालिएको थियो । त्यसैवर्ष यिनले ५ लाख डलर को पे चेक र १ मिलियन डलरको बोनस लिएका थिए ।

एलन मस्क बिश्वभरि चर्चित छन् । टेस्ला कम्पनीका मालिक यिनले पनि वार्षिक १ डलर मात्र लिने बताएका छन् । हुन त क्यालीफर्निया राज्यको नियम अनुसार त्यस रकम कम भुक्तानी र श्रम शोषणमा पर्दछ तथापि यस विषयमा एलन मस्कको कुरा किन नियम भित्र आएन त भन्ने प्रश्न उठिरहेको छ । सन् २०१८ मा कम्पनीबाट केवल ३७ हजार डलरको पे चेक लिएका यिनले त्यस चेक भनें साटेका छैनन । अक्टोबरमा यिनले २ दशमलव ३ बिलियन डलरको कम्पनीबाट कम्पनशेसन चेक लिए ।

अमेरिकाका राष्ट्रपति डोनल्ड ट्रम्प पनि कम तलब लिने श्रेणीमा पर्दछ । राष्ट्रपती हुनु अगावै अरबपती भएका यि राष्ट्रपतीले चुनावी प्रचारकै क्रममा आफू निर्वाचित भएमा १ डलरभन्दा धेरै तलब नलिने बताएका थिए ।

उता ट्वीटरका सिईओ ज्याक डोर्से पनि तलब निकै कम लिन्छन् । उनी ट्वीटरको शेयर र स्टकबाट आफ्नो पैसो निकाल्छन् । ५ दशमलव ५ मिलियन डलरका मालिक यिनी मासिक केवल २ दशमलव ७५ डलरमात्र लिन्छन् ।
फेसबुकका मालिक जुकवर्गले पनि सन् २०१३ मा केवल एक डलरको पेचेक लिएका थिए ।
होलफुड कम्पनीमा मालिक जोन म्याकेले सन् २००७ बाटै कम्पनीसंग वार्षिक १ डलरमात्र लिएका छन् ।

लाइभमाण्डु