ड्रोन डेलीभरी सेवाको गुगलद्धारा शुरुवात

गुगलले ड्रोन मार्फत सामान डेलीभरी गर्ने सेवा शुरुवात गरेको छ । अष्ट्रेलीयाको राजधानी क्यानबेराबाट पहिलोपटक ड्रोन बाट सामान ढुवानी सेवा शुरु गरेको छ । अष्ट्रेलीयाको सिभिल एभिएशन अथोरिटी सेफ्टी प्रोटोकोल बाट उडान अनुमती पाएपछि यो ड्रोन डेलीभरि शुरु भएको हो । अब सामान आकाशबाटै उडाएर चाहिएको ठाँउमा चालक र मानव नभएको विमान मार्फत डेलीभरि शुरु गरिनेछ । गुगलको अभिभावक कम्पनी अल्फावेटाले यो सेवालाई विगं नाम दिएको छ, चक्काबाट पखांसम्मको ढुवानी रुपान्तरणलाई विगं भनि सम्वोधन गरिएको छ । अब सामान डेलीभरिकालागि जमिन हैन आकाशमा हेर्नु पर्ने हुन्छ, सुन्दा अचम्म लाग्न सक्छ हैन त ?
लगभग आधा बिलियन अष्ट्रेलीयन डलरको ब्यापार अपेक्षा गरिएको यस सेवाले विश्वभरि लोकप्रीयता पाउने लगभग निश्चित छ तथापि उड्ययन अनुमती र सुरक्षा संयन्त्रको प्रावधानमा देशको नियम अनुसार यस ढुवानी पद्धतीको प्रयोगमा फरक पर्न सक्दछ ।
नेपाल जस्तो भौगोलिक कठिनाई भएको देशमा यसप्रकारको सुविधा अझै प्रभावकारी हुने देखिन्छ । अब हेरौं आँउदा दिनमा यस ड्रोन डेलीभरिले कस्तो स्वरुप लिने हो ?

लाइभमाण्डु