फ्रान्सको नोट्रे डाम क्याथेड्रल भिषण आगलागीपछि पनि संरक्षित गरिँदै

ईसाई धर्मावलम्बीका लागि नोट्रे डाम क्याथेड्रल अत्यन्त पवित्र अनि आस्थाको केन्द्र बिन्दुको रुपमा स्थापित गिर्जाघर हो । करोडौंको आस्था, बिश्वास अनि प्रार्थनाको साक्षी यस ठाँउ ईसाईका लागि कल्पवृक्ष समान थियो । ८५० वर्ष पुरानो यस गिर्जाघर को छानों र गजुर यसरी लडिदियो कि मानौं कुनै भयंकर राक्षसले एउटा मसिनो रुखको हाँगो लडाएको थियो ।

हवाईजहाजबाट पानी खसाल्ने देखि ४०० जना अग्निनियन्त्रकहरुको अनवरत प्रयाससम्म फ्रान्सको सरकार र प्रशासनले हरसंभव प्रयास गरेर सकेसम्म आगलागीको क्षती कम गरायो । अग्नि नियन्त्रण बिभागका चिफ जिम क्लाउड ग्यालेटले अन्तत डामको संरचनागत बनावट भनें जोगाउन सकेको बताएका छन् । उक्त डाममा पूर्ननिर्माणको कार्य चलिरहेको र त्यसै कार्यबाट आगोको लप्का निस्केको प्रारम्भिक अनुमान छ । डामको सर्वाधिक बहुमुल्य सम्पदा रेलिक्स भनें बचाउन सकिएको छ । सोमबार नै प्रशासनले डाम जोखिम बाहिर रहेको र संरचनाहरु हरसंभव प्रयास गरि बचाइएको जनाएका थिए ।

फ्रान्सका राष्ट्रपती ईम्यानुयल म्याक्रोनले पनि वक्तव्यमा सम्पूर्ण रुपमा आगोसंग जीत नभएतापनि धेरै हदसम्म संरक्षण गरिएको जनाएका थिए । १२ औं शताब्दीमा बनाइएको काठको भित्रि संरचनाहरु भनें निरन्तर जलेका थिए र त्यसै आगोको लप्कोले डामलाई गाँज्दै लग्यो । पेरिस शहरका २ वटा हस्ताक्षरगत संरचनामा एफिल टावर र डाम पर्दछन्, डामको शिघ्र पूर्ननिर्माणको अपेक्षा बिश्वभरिका ईसाई धर्मावलम्बीको छ भन्ने एैक्यवद्धता सामाजिक सञ्जालमा निकै पाइयो । नेपालको धरहरा अझै उठ्न नसकेको यस अवस्थामा फ्रान्सले आगामी दिनमा अतिशिघ्र पूर्ननिर्माण गर्ने डामबाट केहि सिक्ने पो हो कि ?

लाइभमाण्डु

https://twitter.com/i/status/1117848909877895171