१३ औं शताब्दीको मस्जिदलाई बारमा परिवर्तन गरियो

खबर प्लालेस्टाइनको हो । अहिलेको इज्रेलको सफेट जिल्लामा पर्ने १३ औं शताब्दीको मस्जिदलाई भर्खरै रक्सी बारमा परिणत गरिएको छ । अल कुद्स अल अरेबीले लेखेको छ । अल अह्मर मस्जिद सन् १९४८ देखि पटक पटक बिभिन्न ब्यबसाहीक प्रयोजनका लागि रुपान्तरण गरिँदै ल्याइएको थियो । शुरुमा हिब्रु बिधालयका लागि यस मस्जिदको प्रयोग गरियो त्यसपछि चुनावी तयारी घर अनि कपडा पसल र अब आएर उक्त धार्मिक स्थललाई रक्सी खाने बार र ईभेन्ट हल बनाइएको छ ।

हुन त शायद र तिबरियाज ईस्लामीक ईन्डाउन्मेन्टले यस मस्जिदलाई संरक्षणका लागि नाजारेथ अदालतमा दिएको मुद्धा अहिले पनि विचाराधिन छ तथापि यस धार्मिक स्थललाई मदिरास्थल बनाउनु चाँही बिल्कुल गलत हो भनी शायद र तिबरियाज इस्लामीक ईन्डाउन्मेन्टका सचिव खैर तवारीले जनाएका छन् ।

इतिहासकार डाक्टर मुस्तफा अव्वासीका अनुसार सन् १२७६ मा बनाइएको उक्त मस्जिदको ठूलो पुरातात्वीक एवं धार्मिक महत्व छ । अल अह्मर मस्जिदको नाम नै रातो पत्थरहरु भन्ने अर्थ लाग्दछ, यस मस्जिदको कलाकौशलता बिशेष छ भनी स्थानीयहरुले पनि बताए भनी बिभिन्न अन्तराष्ट्रिय सञ्चारमाध्यमले लेखेका छन् । त्यस्तै सन् १३१२ मा बनाइएको ग्रीक मस्जिदलाई पनि प्रार्थना गर्न नदिएर कला संग्राहलय बनाइएको खबर छ ।