पेन्टेकोस्टल चर्चमा ईस्टर प्रार्थनाका लागि सैयौं मान्छेहरु दक्षिण अफ्रिकामा भेला भएका थिए जब उक्त चर्चको सरंचना एक्कासी लड्न पुग्यो । १३ जनाको भग्नावशेषमा पुरिएर मृत्यू भयो भनें सैयौं घाईते भएको खबर छ । क्वाजुलु नाताल राज्यको आकस्मीक सेवा प्रदायकहरुका अनुसार चर्चबाट २९ जना गम्भीर घाईतेहरुलाई अस्पताल लगिएको छ भनें चर्चको अवस्था निकै कोलाहल अनि पीडादायी छ ।

ईटाँको भित्ता यसरी मान्छेहरुको भींडमा खस्दा केहि मान्छेहरु सुतिरहेका पनि थिए भनें केहि प्रार्थना गर्दै थिए । हप्तौं लगाएर ईसाईहरुको वर्षभरिका धार्मिक मेलामध्य सर्वाधिक उपस्थिती रहने अनि महत्वपूर्ण भेला ईस्टरका लागि चर्चलाई तयार गरिएको थियो । तर उक्त पेन्टेकोस्टल चर्च अगाडिको ठूलो भित्ता एक्कासी लडेर भक्तजनको भीडमाथि बज्रिएको थियो । राष्ट्रपती सिरिल रामाफोसा स्वयम यस चर्चमा गतवर्ष ईस्टरका लागि जाँदा नयाँ चर्च संरचना बनाउनु पर्ने कुरा उठेको थियो तथापी गत वर्ष त्यस कामले शुरुवात पाउन सकेन ।

दक्षिण अफ्रिकाका श्रममन्त्री स्वंयम केहि समयको अन्तरमा उक्त चर्चमा जाने तयारीमा रहेको खबर थियो तर चर्चको यस दुर्घटना पछि यसवर्षको ईस्टर वियोगान्त मोडमा पुगेको छ ।

गत हप्ताको फ्रान्सको नोट्रे डामको भीषण आगलागी संगै दक्षिण अफ्रिकाको यस घटनाले पनि एउटा दुख्खद मोड दिएर गएको छ । उता जेरुसलेमको ईस्लाम धर्मावलम्वीहरुको महत्वपूर्ण तिर्थस्थलका रुपमा रहेको मस्जिदमा पनि केहि दिनअघि आगलागी भएको थियो ।