सन्दिपलाई आज आराम, राजिस्थान विरुद्ध बलिङमा ओर्लियो दिल्लि

अघिल्ला २ वटा खेलमा बेञ्चमैं बसेका सन्दिप लामिछाने गत शनिबार भएको पञ्जाबको ३ महत्वपूर्ण विकेट सहितको जीत दर्ता गरेको दिल्ली क्यापिटल्सले अहिले भईरहेको राजिस्थान रोयल्स विरुद्धको खेलमा सन्दिपलाई आराम दिएको छ ।

खेलको प्रारम्भमैं दिल्ली क्यापिटल्सको टोली सार्वजनिक गर्दै गर्दा कमेन्टेटरहरुले समेत सन्दिपको नाम उल्लेख गर्दै भनेका थिए, “पञ्जाबविरुद्ध ३ विकेटसहित शानदार बलिङ प्रदर्शन गरेका सन्दिपलाई आज आराम दिईएको छ, दिल्लिको यो महत्वपूर्ण निर्णय हो जसमा उसले आफ्नो टिममाथी विश्वास गर्दै आफ्ना महत्वपूर्ण खेलाडीलाई आराम दियो ।”

सन्दिप लामीछानेको स्थानमा दिल्लीले क्रिस मरीसलाई टोलीमा अँटाएको छ । जयपुरको सवाई मानसिंह क्रिकेट रङशालामा भईरहेको खेलमा दिल्लिले टस जितेर राजिस्थान रोयल्सलाई ब्याटिङको निम्तो गरेको छ । ब्याटिङको निम्तो दिंदैगर्दा दिल्लीका कफ्तान श्रेयस अैयरले भने, “मेरो ब्याटिङ अर्डरमा मलाई विश्वास छ यही कारणले मैले बलिङ गर्ने निर्णय लिएँ यहाँको पिचले हाम्रो बलिङलाई साथ दिनेछ ।”

दिल्लीले शनिबार कोटला खेल मैदानमा खेलेको किंग्स ११ पञ्जाबविरुद्धको खेलमा ५ विकेटले हराउँदै अंक तालिकामा तेश्रो स्थानमा रहन सफल भएको छ भने अर्को तर्फ बलियो टोली मुम्बई इण्डियन्सलाई हराउन सफल भएको थियो । जसमा राजिस्थान रोयल्सका कफ्तान स्टिभ स्मिथले कफ्तानी पालो खेल्दै खेललाई जीतको बाटोतर्फ लान सफल भएका थिए ।

हेरौं दिल्लि टोलीको जीतको पर्याय बनेका सन्दिप बिनाको खेल कस्तो रहन्छ ।