फिलीपीन्सको भुकम्प मा दर्जन बढि चर्च र भवनहरु नष्ट

सोमबार २२ अप्रिलमा फिलीपीन्सलाई ६ दशमलव १ रेक्टरस्केलको भुकम्पले निकै क्षती गरेको छ । राजधानी मनिलाको उत्तरपश्चिम भूभागमा यस भुकम्पको धेरै क्षती रहेको खबर छ । स्थानीयहरु त्रसित छन् अनि एयरपोर्टमा पनि निकै क्षती भएको खबर छ । पापा नगाङ्गा जिल्लामा सबैभन्दा धेरै क्षती भएको खबर छ जहाँ ११ जनाको मृत्यु भएको र सैयौं हताहत भएका छन् । उक्त भुकम्प पछि ४०० भन्दा धेरै पटक पराकम्प गएको खबर छ । पोराक शहरमा लडेको भवनमा रहेका ३० जना मान्छेहरु निकाल्न क्रेन र अन्य संयन्त्रको प्रयोग गरिँदै छ । केहि शतकअघि देखिका चर्चहरुमा पनि निकै क्षतीपुग्नुको साथै ईस्टरको प्रार्थना गरिरहेका भक्तजनमा भागदौड मच्चिएको पनि खबर छ ।

१८ औं शताब्दीको सेन्ट क्याथरिन एलेक्जेण्डा चर्च नष्ट भएको छ भनी अलजजिराले उक्त चर्चका पादरीलाई उद्धत गर्दै लेखेको छ ।

प्रशान्त महासागरको किनारमा अवस्थित फिलीपीन्स भुकम्पको जोखिममा धेरै नै रहेको भुगर्वशास्त्रीहरुको अध्ययनले देखाँउदछ, सन् २०१३ को अक्टोबरमा मात्र ७ दशमलव १ रेक्टरस्केलको भुकम्पले २२० जनाको मृत्यु भएको थियो । सन् १९९० को जुलाईमा ७ दशमलव ८ रेक्टरस्केलको भुकम्पले फिलीपीन्समा २४०० मान्छेको ज्यान गएको थियो ।

लाइभमाण्डु