श्रीलंकाका मुसलमानहरुको बढ्दो भय


३५९ जनाको मृत्यू गराउने बम आक्रमण पश्चात श्रीलंकामा एकप्रकारको त्रास छ । यस त्रासको सर्वाधिक असर भनें अल्सख्यंक मुसलमान समुदायमा परेको बताइन्छ । उनीहरुका अनुसार अब श्रीलंकामा मुसलमान समुदाय जोखिममा रहेको र सुरक्षा खतराको अनुभव गर्न थालेका छन् । गतहप्ताको बम आक्रमणमा अधिकांश ईसाई धर्म मान्नेहरुको मृत्यू भएको र चर्च र ठूला होटल केन्द्रित आक्रमण संगै मुसलमान समुदाय अव्यक्त भयको चपेटामा परेका हुन् । यस अघि पनि श्रीलंकाका पहाडी ईलाकाहरुमा ईसाई र ईस्लाम धर्मावम्बीहरुमा केहि झगडा र हमलाका कुराहरु नभएका भनें हैन ।

अलजजिराको रिपोर्टका अनुसार कोलम्बोमा बस्ने मुसलमान मोहम्मद हसनले उक्त आक्रमण पछि एकफेर पनि घरबाहिर निस्केका छैनन । उनी प्रेसमा प्रिन्ट गर्ने काम गर्दछन तर ४१ बर्षिय हसनलाई परिवारले बाहिर ननिस्कन भनेपछि उनी घरमै बसेका हुन ।
अझ श्रीलंकाको आक्रमणको जिम्मेवारी अहिले ईराकमा आधारित आइसील जस्को पूर्व नाम आइसीस रहेको थियो, उनीहरुले लिएका छन् । तथापी यसको प्रमाण पुष्टि भनें भएको छैन । न्यूजिल्याण्डमा भएको मस्जिदमाथिको आक्रमणको प्रतिकार बताए पनि यस आक्रमणमा आइसीलको संलग्नता पुष्टि नभएको खबर छ । तथापी आईसीलको यस अभिव्यक्तिसंगै श्रीलंकाका मुसलमान समुदायको भय भनें चुलिएको छ ।

लाइभमाण्डु


Loading comments...