देशभर सार्वजनिक जग्गा व्यक्तिको नाममा भएकोमा बिरोध भइरहदा ललितपुर धापाखेलवासीहरुले सार्वजनिक जग्गामा अतिक्रमण गरेर लगाएको बार भत्काएका छन । उक्त बार सि.जि. प्रपर्टिजले ले सार्वजनिक जग्गामा अतिक्रमण गरेर लगाएको थियो । साविकको धापाखेल ८ ख र ९ ख मा पर्ने कित्ता नं.४१, ३८ ७९ र ५८ मा करिव २८ आना जग्गामा सि.जि. प्रपर्टिजले बार लगाएको थियो । अहिले यो ठाँउ ललितपुर महानगरपालिका वडा नं. २४ मा पर्छ ।

स्थानीय टोल सुधार समितिको निर्णय अनुसार उक्त बार भत्काईएको स्थानीयको भनाइ छ । साविकको सार्वनजिक जग्गाभन्दा तल गहिरो र खोचमा सट्टा दिन लागेको भन्दै स्थानीय बासिन्दाहरुले निरन्तर विरोध गर्दै आएका थिए । कम्पनीले यी पर्ती जग्गाको साटो काम नलाग्ने खाल्टो ठाँउमा सट्टा जग्गा दिन प्रकृया अघि बढाउदै सि.जि. प्रपर्टिजले बार लगाएको थियो ।

सि.जि. प्रपर्टिजललाई फाइदा पुग्ने हिसावले वडाध्यक्ष दिनेश कार्कीले २०७५ अषाढ २२ गते जग्गा साट्न सिफारिस दिएको मखुण्डोल टोल सुधार समितीका अध्यक्ष नबीनकुमाार खड्काले वताए । उनले भने ‘वावु वाजेले जोगाएर राखेको सार्वजनिक जग्गामा एउटा कम्पनीले चाइयो भन्दैमा दिन सकिदैन ।’

मखुण्डोल टोल सुधार समितीका सचिव वेदनाथ दाहाल आनाको पच्चिस लाख जाने राम्रो जग्गा चौधरी ग्रुपलाई दिएर दुई लाख जाने जग्गा लिन गाउलेहरु नजाने वताए ।

स्थानीय उद्धव दाहालले भने,‘हामी जनता अड्डा अदालत कतै जान सक्दैनौं । उसले कागजमा बनाउला । हामी फिल्डमा बनाउन दिदैनौं । सधै भत्काइ रहन्छौं ।’