Lifestyle Portal
  •   ९ श्रावण २०७८, शनिबार

श्रीलंकाको बम आक्रमण पछाडीका केहि कारणहरु

१२ बैशाख २०७६, बिहीबार १२:३१

३५९ जनाको ज्यान जाने बम हमलाको बिषयमा लंकाको इन्टेलिजेन्सले थाहा पाएर पनि केहि गर्न नसकेको भन्ने तथ्यहरु आइरहँदा अहिले श्रीलंकाको सुरक्षासंयन्त्रको नै बडो आलोचना हुन थालेको छ । आक्रमणको केहि दिनअघि नै प्रहरी प्रमुखले सरकार र संयन्त्रका सबै सुरक्षा सम्बन्धी निकायलाई पठाएको एउटा मेमोको कुरा खुल्न आएको छ । घटनाको केहि दिनअघि प्रहरी प्रमुखले पठाएको मेमो मा नेशनल तोहजीद जमात नामक मुसलमान संगठनले कोम्बो आसपासका चर्च अनि केहि क्षेत्रमा कम हमलाको तयारी गरेको खबर र अलर्ट अलार्म छ । अप्रिल २४ मा तोहजीद जमातका नेता र आइसीलका नेताहरु मिलेर एउटा भिडियो रिलिज गर्दै उक्त आक्रमणको जिम्मा लिएको घोषणा गरेका छन् । श्रीलंकामा बसोवास गर्ने मुसलमान नेता जहरान हास्मी यस भिडियोमा देखिन्छन् ।

उक्त मेमोमा चर्चहरुको संभावित ठाँउ, होटल क्षेत्र, संदिग्धको नाम र फोनहरुपनि समावेश गरिएको र जानकारीहरु एक हप्ता अघि श्रीलंकामा आएका भारतीय इन्टेलिजेन्सका गुप्चरहरुको सुराकी र खोज रहेको बताइन्छ । तर श्रीलंकाको सुरक्षा संयन्त्रको लापरवाही र नजरअन्दाजका कारणले यत्रो ठूलो दुर्घटना भएको श्रीलंकाको सुरक्षा संयन्त्रलाई चौतर्फी आरोप छ । जब आक्रमण भयो तब श्रीलंकाका राष्ट्रपति र प्रधानमन्त्री दुबैले यस सुरक्षा चुनौति र मेमोका बारेमा केहि थाहा नपाएको बताए ।

राष्ट्रपति मैथिपाला स्रिसेना र प्रधानमन्त्री रानील विक्रमसिंगे दुबैजना अर्का प्रभावशाली नेता महेन्द्र राजापाक्षलाई सन् २०१५ को चुनावमा हराउन निकै सक्रिय थिए तर त्यसपछि यि दुबै तत्कालिन प्रधानमन्त्री र राष्ट्रपतिको समबन्ध बिग्रिएको भनी अलजजिराले लेखेको छ । गत अक्टोबरमा नै स्रिसेनाले रानल विक्रसिंगेलाई संवैधानीक संक्रमणकाल भनी जेल हाल्न खोजेका थिएर तर पछि अदालत अनि संसदले त्यस कार्यलाई रोकिदियो । यसपछि अहिलेका प्रधानमन्त्री र राष्ट्रपतिको समबन्ध झनै चिसिएको बिभिन्न श्रीलंकाकै मिडियाहरुले समयसमयमा लेख्दै आएका छन् ।

श्रीलंकाका आर्मीका कमाण्डर ईन चीफ, हेड अफ डिफेन्स स्रिसेना अर्थात अहिलेको राष्ट्रपतिलाई नै प्रहरी प्रमुखको मेमोका बारेमा थाहा नहुनु अचम्म छ । उता प्रधानमन्त्री विक्रमसिंगे त झनै आफूलाई अक्टोबरदेखि नै कुनै सुरक्षा ब्रिफ नभएको र आफूलाई अक्टोबरको घटनापछि राष्ट्रपती समर्थन गर्ने जत्थाले हरेकप्रकारका ब्रिफ र निर्णय लिने स्थानमा बिभेद गरिएको भएकाले यस बिषयमा आफू अनभिज्ञ रहेको बताएका छन् । प्रधानमन्त्री र राष्ट्रपतिको यस तानातानीमा श्रीलंकाको सुरक्षा अवस्था डामाडोल भएको भनें स्पष्ट हुन थालेको छ ।
संघीय रक्षा मन्त्री विजवर्दनेले यस आक्रमणको जिम्मा सरकारले नै लिनुपर्ने तर्क अघि सारेका छन् । अहिले श्रीलंकामा सेनाको शाषन झैं छ र आपतकाल घोषणा गरिएको छ । अहिलेसम्म ६० जना संदिग्द अपराधी प्रहरीहरुले समातेएका र ३२ जनालाई कण्टडीमै राखेर अनुसन्धान चलिरहेको खबर छ । प्रहरीका प्रवत्ता रोहन गुनासेकाराले आक्रमणमा ९ जना आत्मघाती बम्बरहरु रहेको जनाएका छन् । फेरि अर्कोतर्फ आक्रमणमा मुसलमान समुदाय सम्बद्ध संस्था रहेको भिडियो सार्वजनिक भएपछि श्रीलंकाका अल्पसख्यक मुसलमान समुदायको भय अनि त्रास बढेर गएको बताइन्छ । यस आक्रमणले श्रीलंकामा जातिय यूद्ध र वैमनस्यताको बिजारोपण त गरेको छैन ?
बिभिन्न प्रश्नहरु अझै छन् । लाइभमाण्डु

यो पनि पढ्नुहोस् 

प्रतिक्रिया दिनुहोस !
Loading comments...
सम्बन्धित खबरहरु

एजेन्सी । पाकिस्तानमा अफगानिस्तानका राजदूत नजिबुल्लाह अलिखिलकी छोरीको अपहरण भएको छ । अफगान राजदूत अलिखिलकी २६ वर्षीया छोरी सिलसिला अलिखिलको

स्वास्थ्य मन्त्रालयको एक लिक भएको कागजातले थाइल्याण्डमा कोभिड- १९ संक्रमितका लगाइने कोरोनाविरुद्धको चिनियाँ खोपको प्रभावकारितमाथि प्रश्‍नहरु उठ्न थालेका छन् ।

सिंगापुरले Sinovac Biotech (SVA.O) द्वारा उत्पादित चिनियाँ भ्याक्सीनलाई खोप लगाइसकेका नागरिकको तालिकामा नराख्ने निर्णय गरेको छ । सिंगापुरको राष्ट्रिय खोप

चिनियाँ कम्युनिस्ट पार्टीले बिहीबार आफ्नो स्थापनाको १०० वर्षगाँठ मनाइरहेको छ । यसले आफ्नो स्थापनाको एक सय वर्षगाँठ मनाइरहँदा विगतको महिमा